Сябраў наваполацкай філіі “Моладзі БНФ” беспадстаўна пратрымалі ноч у выцвярэзніку ( Адноўлена)
3 снежня ўвечары ў Наваполацку ля клуба “Пластылін” былі затрыманыя старшыня мясцовай суполкі Моладзі БНФ Міхась Новікаў і сябра арганізацыі Андрусь Галавырын.
Маладыя людзі выйшлі з клубу пасля рок-канцэрту і былі раптоўна затрыманыя міліцыянтамі. У актывістаў знайшлі некалькі налепак, што само па сабе не з’яўляецца падставай для адміністратыўнага перасьледу.
Як паведамляюць мясцовыя праваабаронцы, нягледзячы на тое, што хлопцы былі абсалютна цвярозыя, іх адвезлі ў выцвярэзнік, дзе пратрымалі ўсю ноч. У выцьвярэзніку доктар, чыё прозвішча зараз высвятляецца, запыталася ў міліцыянтаў: "Што рабіць з хлопцамі, яны ж цвярозыя?". Міліцыянты загадалі панінуць іх нанач тут.
Сёння ў 8.30 раніцы іх адвезлі ў Наваполацкі гарадскі аддзел унутраных спраў, дзе зараз дапытваюць наконт знойдзеных у іх налепак. Ці склалі на актывістаў пратакол аб адміністратыўным правапарушэнні, пакуль невядома.
Зараз юнакоў выпусьцілі і яны рыхтуюць скаргу у Пракуратуру Наваполацка, а таксама здаюць аналізы крыві. каб даказаць абсурднасьць іх змяшчэння ў выцьвярэзнік.