Барысаў: Паўтысячы бюлетэняў у скрыні для галасавання на даму

Назіральнікі Зміцер Бабіцкі і Зміцер Мацельскі, якія ўваходзілі ў каманду Сяргея Салаша, незарэгістраванага кандыдата ў дэпутаты па Барысаўскай сельскай  выбарчай акрузе №63, на ўчастку №45 (сярэдняя школа №23) зафіксавалі неапраўдана вялікую колькасць бюлетэняў у скрыні для галасавання на даму. 

Па іх падліках, рэальная яўка з улікам датэрміновага галасавання на гэтым участку з агульнай колькасцю выбаршчыкаў 2814 склала не больш 30 адсоткаў. Аднак у скрыні для галасавання на даму аказалася каля паўтысячы бюлетэняў.

Назіральнікі рыхтуюць па гэтаму факту заяву ў пракуратуру.

"Праваабаронцы за свабодныя выбары"