Брэст: Сяброў Партыі БНФ ва ўчастковых камісіях не засталося
У склад участковых выбарчых камісій Брэста быў уключаны толькі адзін прадстаўнік ад Партыі БНФ. Зараз прадстаўнікоў гэтай партыі ў камісіях няма.
С. Быцькевіч быў адзіным, каго ў Брэсце ўключылі ў склад участковай выбарчай камісіі ад Партыі БНФ, аднак ён па асабістых прычынах склаў свае паўнамоцтвы. На “вызваліўшаеся” месца быў вылучаны таксама сябра Партыі БНФ С. Вакуленка. 5 верасьня ён падаў дакументы на рэгістрацыю ў склад участковай камісі № 34 Брэсцкай-Цэнтральнай выбарчай акругі № 2. Кіраўніцтва адміністрацыі Маскоўскага района паведаміла, што рашэнне па пытанні ўключэння С.Вакуленкі ў склад камісіі будзе прыймацца на бліжэйшым сходзе.
17 верасьня адбыўся сход выканкаму, на якім С. Вакуленку паведамілі, што склад камісіі скарацілі з 13 да 12 чалавек. Паводле кіраўніка арганізацыйна-кадравай работы Брэсцкага абласнога выканаўчага камітэта сп. Цімашука, усю працу па падрыхтоўцы да выбараў сябры камісіі ўжо выканалі, а проста сядзець там ня трэба.
"Праваабаронцы за свабодныя выбары"
