БДУ “ачышчаецца” ад выдатнікаў
https://spring96.org/be/news/22637
2008
2008-07-10T09:53:40+0300
2008-07-10T09:53:40+0300
1970-01-01T03:00:00+0300
be
Актывіст Маладога Фронту Алесь Круткін, студэнт 1-га курсу гістарычнага факультэта БДУ, па вяртаньні з-за мяжы даведаўся, што ён выключаны з унівэрсітэта.
Падставай для выключэньня маладафронтаўца стала парушэньне ўнутранага распарадку ўнівэрсітэта, што выяўлялася ў шматлікіх затрыманьнях і неаднаразовай адміністрацыйнай адказнасьці Алеся. За актыўную палітычную дзейнасьць Алесь Круткін двойчы атрымліваў строгія вымовы ад адміністрацыі, і яму нават было прапанавана перавесьціся на завочнае навучаньне, ад чаго маладафронтавец адмовіўся.
Адзначым, што Алесь зьяўляецца пераможцам рэспубліканскай алімпіяды па гісторыі Беларусі і ва ўнівэрсітэт юнак быў прыняты без уступных выпрабаваньняў. На сваём курсе Алесь Круткін лічыцца лепшым вучнем.
