Бацькоў салігорскай моладзевай актывісткі Крысьціны Самойлавай аштрафавалі на 2,5 мільёны рублёў.
https://spring96.org/be/news/19288
2007
2007-11-29T14:02:40+0200
2007-11-29T14:02:40+0200
1970-01-01T03:00:00+0300
be
Крысьціна вучыцца ў 10-ай клясе 10-ай салігорскай школы. Супрацоўнікі міліцыі затрымлівалі дзяўчыну 8 і 16-га лістапада. Тады на яе былі складзеныя 2 адміністрацыйныя пратаколы, яшчэ адзін быў складзены паводле заявы школьнага настаўніка беларускай мовы, нібыта Крысьціна нецэнзурна лаялася.
Паводле кожнага з чатырох пратаколаў бацькоў Крысьціны аштрафавалі на 620 тысячаў рублёў, разам атрымалася 2480 тысячаў. Пастановы пра штраф вынесла сёньня адміністрацыйная камісія Салігорскага гарвыканкаму. Справу яшчэ аднаго актывіста “Маладога Фронту” Івана Шылы – таксама разгледзіць адміністрацыйная камісія. Паплечнікі Івана лічаць, што ягоных бацькоў таксама аштрафуюць на вялікую суму. На Івана складзены пратакол за ўдзел у акцыях 8 і 16 лістапада.
