У Мазыры затрымліваюць моладзь

Сёньня ў Мазыры была запланаваная моладзевая акцыя супраць адмены льготаў. Аднак, прыйшоўшых у цэнтр гораду юнакоў сустракалі супрацоўнікі міліцыі.

Затрыманых адвозяць у пастарунак, туды ж выклікаюць бацькоў непаўнагадовых, настаўнікаў і дырэктароў школ. Усіх сабралі ў актавай залі РУУС.

Як паведаміў мясцовы праваабронца Уладзімір Целяпун, затрыманыя больш за 30 чалавек. У пастарунку знаходзіцца і сябра Партыі БНФ  Юрась Чаранкоў, якому патэлефанаваў сын і паведаміў пра затрыманьне. Сп. Чаранкоў прыйшоў на плошчу Леніна, і таксама быў затрыманы. Зараз, па папярэдніх зьвестках, яго абвінавачваюць у арганізацыі несанкцыянаванай акцыі пратэсту.