Маладафронтаўцаў затрымалі за спробу адзначыць дзень народзінаў Вітушкі
Сёньня ў Нясьвіжы былі затрыманыя актывісты моладзевага нацыянальнага руху Малады Фронт: Іван Шыла, Ільля Шыла, Крысціна Самойлава ,Зміцер Банько. Пазьней ужо каля мясцовага РУУСу быў схоплены сябар МФу Андрусь Тычына.
Пра гэта маладафронтаўцы пасьпелі паведаміць дэмакратычнаму актывісту з Салігорску Паўлу Батуеву. Пасьля сувязь раптоўна абарвалася. Актывістаў Маладога Фронту затрымалі супрацоўнікі міліцыі за тое, што маладыя людзі прыехалі ў Нясьвіж, з мэтаю адзначыць 100 год зь Дня народзінаў легендарнага беларускага генэрала, кіраўніка антысавецкага пасьляваеннага супраціву на Беларусі, Міхала Вітушкі. Зараз маладафронтаўцы знаходзяцца ў мясцовым аддзяленьні міліцыі. Такім чынам рэпрэсіі ў дачыненьні да беларускае незалежнае моладзі працягваюцца. Як і ў часы камуністычнае дыктатуры, гэтак і зараз імя Вялікага беларускага нацыяналіста Міхала Вітушкі выклікае панічны страх у антыбеларускіх сілаў.
