Пашпарт прадпрымальніка з Рэчыцы Леаніда Невара правярае КДБ

У сувязі з тым, што ў Леаніда Невара скончыліся чыстыя старонкі ў пашпарце, ён здаў дакументы на новы, заплаціўшы за тэрміновасьць. Пячатку на выезд ва ўсе краіны сьвету патрэбна было перанесьці, бо яна была яшчэ дзеючай.

У вызначаны тэрмін сп. Невару не выдалі дакумент, спаслаўшыся на тое, што пашпарт затрыманы супрацоўнікамі КДБ дзеля праверкі. "Я ніколі ў жыцьці не парушыў ніводнага закону і абураны тым, што замест бясьпекі дзеяньні КДБ ськіраваныя на перасьлед сумленных грамадзянаў краіны", - пракаментаваў сітуацыю лідэр прадпрымальніцкага руху Беларусі.  

Нагадаем, 19 верасьня Леанід Невар быў прэвентыўна затрыманы перад правядзеньнем у Рэчыцы рэспубліканскага сьвята "Дажынкі" і асуджаны да 6 сутак адміністратыўнага арышту.