Міліцыянт не зьявіўся ў суд
https://spring96.org/be/news/18358
2007
2007-09-24T12:14:30+0300
2007-09-24T12:14:30+0300
1970-01-01T03:00:00+0300
be
21 верасьня ў Цэнтральным судзе Менску працягваўся працэс над моладзевай актывісткай Тацянай Цішкевіч, якую абвінавацілі нібыта ў непадпарадкаваньні міліцыі.
Тацяна Цішкевіч гэта абвяргае. Дзяўчына заяўляе, што супрацоўнік Цэнтральнага РАУС Юры Мяцельскі затрымаў яе пасьля просьбы выдаць ёй кнігу заўваг і прапаноў. Актывістка зьбіралася напісаць скаргу на дзеяньні міліцыі. Тры сьведкі ўжо заявілі ў судзе, што з Тацянай Цішкевіч ў Цэнтральным РАУС абыходзіліся груба, паведаміла “Радыё Свабода”.
21 верасьня Юры Мяцельскі ў суд не зьявіўся, як і на паседжаньні 19 верасьня. Судзьдзя Тацяна Паўлючук сказала, што будзе прымаць захады, калі сьведка не прыйдзе зноў без сапраўднай прычыны.
