“Пяцёрка-плюс” заклікае падтрымаць незалежную газету “Народная воля” і 10 чэрвеня ўтварыць “Ланцуг неабыякавых чытачоў” на Кастрычніцкай плошчы

10 чэрвеня а 18.00 на Кастрычніцай плошчы ў Менску адбудзецца акцыя “Ланцуг неабыякавых чытачоў”.

Народная кааліцыя “Пяцёрка Плюс” запрашае актывістаў партыяў, грамадзкіх арганізацыяў, чытачоў і падпісчыкаў “Народнай Волі”, а таксама ўсіх, каму неабыякавы лёс беларускіх незалежных газэт прыйсьці на Кастрычніцкую плошчу з асобнікам “Народнай волі” ці іншага незалежнага беларускага выданьня. Нагадаем, што 31 траўня калегія грамадзянскіх справаў Вярхоўнага Суда Беларусі пакінула бяз зьменаў рашэньне аб спагнаньні з “Народнай Волі” штрафу ў памеры 50 мільёнаў беларускіх рублёў. У выніку гэтага рашэньня суда газэта апынулася пад пагрозай ліквідацыі.