Праваабарончая праграма "Вясна"
Кожны аўторак у 19:05 па беларускім часе у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс на 27 лютага:
Падзея: Смерць пятага палітвязня за кратамі — Ігара Ледніка. Ён паходзіў з Барысава, і з Ігарам быў знаёмы барысаўскі праваабаронца Алег Мацкевіч:
"Марыў аб нерэальным, браў высокія планкі".
Час выбараў: 25 лютага адбыўся адзіны дзень галасавання на выбарах* дэпутатаў у Палату прадстаўнікоў, абласныя і мясцовыя саветы. Адразу пасля закрыцця выбарчых участкаў у Беларусі Дзярждэп ЗША выступіў з заявай, у якіх назваў выбары ў Беларусі фіктыўнымі. Пазней выказаліся прадстаўніцтвы іншых краін і еўрапейскія палітыкі.
Разам з юрысткай ПЦ “Вясна” Святланай Галаўнёвай разабраліся, як на гэтых выбарах* фармаваліся камісіі, як праходзіла агітацыя, як праходзілі датэрміновае галасаванне і галасаванне ў дзень выбараў*.
Каментар: Яшчэ ў 80-ыя гады з Беларусі ў ЗША як дысідэнтка з'ехала беларуска Кацярына Меражыньска. Але да гэтага часу працягвае дапамагаць тым, хто застаецца на радзіме.
