Паўтара года "хіміі" і штраф у памеры 4000 рублёў: такі вырак вынес суд жыхару Вялейкі
Cуд Лідскага раёна.
Суд Лідскага раёна 24 студзеня вынес прысуд 53-гадоваму жыхару Вілейкі Аляксандру Малікаву, якога абвінавацілі ў абразе прадстаўніка ўлады паводле арт. 369 Крымінальнага кодэкса. Справу разглядаў суддзя Уладзімір Федаровіч, абвінаваўца - пракурор Мікіта Мыслівец.
Паводле інфармацыі, апублікаванай на праўладным відэа, Аляксандр Малікаў, у снежні 2021 года пакінуў у адной з сацсетак абразлівы каментар на адрас камандзіра войсковай часткі, якая базуецца ў Лідскім раёне. Апошнія запісы абвінавачанага ў сацсетках датуюцца кастрычнікам 2023 года. Меркавана, тады яго і затрымалі.
Сваёй віны ў судзе ён не прызнаў, патлумачыў, што не меў на мэце абразіць вайскоўцу.
Але суддзя Федаровіч прызнаў яго вінаватым і пакараў абмежаваннем волі з накіраваннем у папраўчую ўстанову адкрытага тыпу тэрмінам на адзін год і шэсць месяцаў і штрафу ў памеры 4 000 рублёў.
