Праваабарончая праграма "Вясна" на Беларускім Радыё Рацыя
Кожны аўторак у 19:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс на 24 кастрычніка:
Каментар: Леанід Судаленка – пра сваю зарэгістраваны зварот у Камітэце па правах чалавека ААН і удзел у канферэнцыі АБСЕ.
Падзея: Выстава "Пазнака" былой палітзняволенай па "справе студэнтаў" Асі Булыбенкі адкрылася ў Вільні. Распачалася выстава з перфоманса, падчас якога дзяўчыну пазначылі чырвонай фарбай, як і было пры яе затрыманні ў 2020 годзе.
"Мая мэта — не толькі выразіць свой боль, але нагадаць людзям пра тое, што адбываецца", — кажа Ася Булыбенка.
Крымінальны пераслед: Палітзняволенаму адвакату Паўлу Мажэйку Вярхоўны суд пакінуў прысуд без зменаў. Каментуе яго жонка Ірына Чарняўка.
Каментар эксперта: "Хрысціянская візія" прадставіла новы маніторынг пра тое, як зняволеных у Беларусі абмяжоўваюць у правах на веравызнанне. Больш падрабязней — у размове з прадстаўніцай ініцыятывы Наталляй Васілевіч:
"Ламінаваныя іконкі выкарыстоўвалі для таго, каб рэзаць яблыкі".
