Новае "экстрэмісцкае" фармаванне, "настаўніца-тэрарыстка", затрыманне і ціск на палітвязняў: хроніка палітычнага пераследу 30 жніўня Дапоўнена
У Беларусі па-ранейшаму працягваюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць экстрэмісцкімі матэрыяламі. Адбываюцца рэпрэсіі ў дачыненні да грамадзян, якія актыўна выказваюць сваю пазіцыю ў адносінах да вайны, распачатай узброенымі сіламі Расіі. Праваабарончы цэнтр "Вясна" збірае апошнія факты палітычнага пераследу грамадзян Беларусі.
|
Калі вас ці вашых блізкіх затрымалі, паведамляйце нам:
|
Затрыманні
На БМЗ затрымалі двух супрацоўнікаў аддзела ідэалогіі
- Дзмітрый Арцеменка і Марыя Бажынская
Як паведамляе @free_zhlobin, у панядзелак, 29 жніўня, на Беларускі металургічны завод прыязджаў АМАП. Сілавікі затрымалі двух супрацоўнікаў аддзела інфармацыі, ідэалогіі і развіцця персанала. Паводле звестак @zerkalo_io, гэта Дзмітрый Арцёменка і Марыя Бажынская.
За ўдзел у пратэстах у 2020 годзе затрымалі супрацоўніка МТЗ
- Дзмітрый Каспяровіч
Як паведамляюць праўладныя тэлеграм-каналы, 25-гадовы Дзмітрый Каспяровіч, які працуе майстрам на МТЗ, у 2020 годзе ўдзельнічаў у акцыях пратэсту і выходзіў на праезную частку.
Папаўненне ў спісе "экстрэмістаў" і "тэрарыстаў"
Былую палітзняволеную настаўніцу музычнай школы ўнеслі ў "тэрарыстычны" і "экстрэмісцкі" спісы
- Аксана Каспяровіч
Перадгісторыя: некалькі дзён таму, 29 чэрвеня, у Гродзенскім абласным судзе па "справе Зельцэра" да года і двух месяцаў калоніі асудзілі палітзняволеную настаўніцу музычнай школы з Ліды Аксану Каспяровіч, якую ўтрымлівалі за кратамі дзевяць месяцаў. За каментар у Instagram яе прызналі вінаватай паводле арт. 130 КК ("Распальванне іншай сацыяльнай варожасці").
Каментар быў такі:
"Посмотрела видео захвата квартиры, и поняла: очередной беспредел! До чего жаль парня, который защищал себя и свою семью(( Дикие действия, дикий результат(( Господа, разве для этого вы поставлены, чтоб пугать и уничтожать собственный народ???((( Сотрудник знал, на что шёл. Ему за это немалые деньги платят, работа его такая. А на месте парня с ружьём мне тоже было бы страшно за себя и свою семью((".
З улікам тэрміна, які Аксана ўжо правяла за кратамі, ёй заставалася быць у зняволенні крыху больш за два тыдні. 8 ліпеня Аксана выйшла на волю з гродзенскай турмы № 1. КДБ яшчэ падчас зняволення ўнёс палітзняволеную ў "спіс тэрарыстаў".
Сення праваабаронцы даведаліся, што некалькі дзён таму МУС уключыў Аксану яшчэ ў "спіс грамадзян, датычных да экстрэмісцкай дзейнасці". Настаўніца знаходзіцца на волі ўжо другі месяц.
Аксане, як патрапіўшай у спісы КДБ і МУС, да пагашэння судзімасці і пяць гадоў пасля гэтага забараняецца займацца педагагічнай і выдавецкай дзейнасцю, займаць дзяржаўныя пасады, праходзіць ваенную службу, яе фінансавыя аперацыі падлягаюць асабліваму кантролю. Ніякіх паведамленняў наконт уключэння яе ў спісы яна не атрымлівала. Тэлефонныя рахункі і рахункі заробных карт заблакаваныя. Немагчыма не толькі зняць грошы са сваіх старых рахункаў, але і адкрыць новыя.
"Вейшнорыю" прызналі "экстрэмісцкай"
Праваабаронцам стала вядома, што суд Лідскага раёну 19 жніўня прызнаў інфармацыйную прадукцыю старонак "Veisnoria \ Вейшнория" ў Youtube, Telegram, Укантакце, Аднакласніках, Instagram, Facebook і TikTok "экстрэмісцкімі матэрыяламі".
У спіс "экстрэмісцкіх" матэрыялаў трапілі некалькі старонак з сацсетак:
Сярод іх:
- Старонка ў Аднакласніках "Вадим Шилько";
- TikTok-профіль "Walter Grett";
- Telegram-чат "Беларускiя Адвакаты";
- Інтернет-рэсурс "Анархия сегодня" — a2day.оrg;
- Telegram-чат "Мы — шахтёры".
У Беларусі новае "экстрэмісцкае" фарамаванне
Стала вядома, што 29 жніўня, згодна з рашэннем МУС, экстрэмісцкім фармаваннем была прызнаная супольнасць "Стены Рухнут" — а менавіта дзве суполкі ва "Укантакце".
Ціск на палітвязняў
Палітвязня Паўла Вінаградава змясцілі ў ШІЗА
- Павел Вінаградаў
Па інфармацыі @belsat, адміністрацыя папраўчай калоніі № 12 склала тры рапарты на Паўла Вінаградава, адзін з іх – за тое, што ад слабасці прылёг на ложак. Паведамляецца, што Паўла закінулі ў штрафны ізалятар з 23 жніўня. Раней яго пазбавілі працяглага спаткання. Нядаўна ў палітзняволенага блогера і актывіста выявілі сухоты. Напрыканцы ліпеня палітвязня перавялі ў аршанскую калонію, вядомую тым, што там утрымліваюцца і лечацца асуджаныя, хворыя на актыўную форму сухотаў. Паўла асудзілі да пяці гадоў калоніі за адзін пост у Фэйсбуку.
|
Падтрымайце Паўла лістамі салідарнасці. Адрас такі: ПК №12, 211381, Віцебская вобласць, Орша, вул. Смаленская, 2, Паўлу Юр'евічу Вінаградаву. |
Палітзняволеную Сафію Сапегу пазбавілі віда на жыхарства ў Беларусі
- Сафія Сапега
Праваабаронцам сталі вядомыя апошнія навіны дзяўчыны. Вядома, што Сафію пазбавілі спаткання з роднымі — нібыта за тое, што Сапега падзялілася з кімсьці цыгарэтай. Таксама паведамляецца, што дзяўчыну — грамадзянку РФ — пазбавілі віда на жыхарства ў Беларусі. Нагадаем, Гродзенскі абласны суд 6 траўня асудзіў Сафію Сапегу да 6 гадоў калоніі. Яе абвінавацілі адразу паводле сямі артыкулаў Крымінальнага кодэксу. Таксама з яе спагналі на карысць пацярпелых матэрыяльную кампенсацыю маральнай шкоды на агульную суму 167 500 рублёў. Сафію затрымалі 23 траўня 2021 года разам з Раманам Пратасевічам — самалёт авіякампаніі Ryanair, у якім яны ляцелі, прымусілі зрабіць пасадку ў Нацыянальным аэрапорце "Мінск".
|
Вы можате падтрымаць дзяўчыну лістамі салідарнасці. Адрас такі: ПК №4, 246035, Гомель, Антошкіна, 3, Сафіі Андрэеўне Сапезе. |
Палітзняволеных анархістаў уключылі ў спіс "экстрэмістаў"
- Палітзняволеныя анархісты, якіх уключылі ў спіс "экстрэмістаў".
Актывістаў анархісцкага руху Аляксандра Бялова, Яўгена Рубашку, Арцёма Дзмітрыевіча Салаўя і Арцёма Сяргеевіча Салаўя ўнеслі ў "Пералік грамадзян, якія маюць дачыненне да экстрэмісцкай дзейнасці", паведамляе @belarus_abc.
Нагадаем, 22 красавіка суд прызнаў іх вінаватымі паводле ч. 1 арт. 342 КК і ч. 3 арт. 361-1 КК і прызначыў Аляксандру Бялову, Яўгену Рубашку, Арцёму Дзмітрыевічу Салаўю — па пяць гадоў калоніі, Арцёму Сяргеевічу Салаўю — 4,5 года калоніі.
|
Падтрымаць палітвязняў можна па адрасах:
|
