Сем разоў кідаў ёмістасці з фарбай у банеры з выявамі вайскоўцаў: прысудзілі тры гады "хіміі"
Скрыншот з відэа МУС.
Суд Маскоўскага раёна Мінска 4 жніўня вынес прысуд Дзянісу Бычкову, абвінаваціўшы яго ў пашкоджанні банераў з выявамі вайскоўцаў па ч. 1 і ч. 2 арт 339 Крымінальнага кодэкса (хуліганства).
Справу разглядаў суддзя Юрый Машкетаў.
Па матэрыялах следства, абвінавачаны Бычкоў у сакавіку 2022 года, знаходзячыся ў розных грамадскіх месцах Мінска, беспадстаўна, у тым ліку паўторна, з хуліганскіх меркаванняў, груба парушаючы грамадскі парадак і выказваючы відавочную непавагу да грамадства, пашкодзіў плакаты на банэрнай тканіны з сацыяльнай рэкламай Узброеных Сіл Рэспублікі Беларусь, якія знаходзяцца на ўсеагульным аглядзе ў грамадзян. Супрацьпраўнымі дзеяннямі нанесены матэрыяльную шкоду на агульную суму 1260 рублёў і 6 капеек.
Выяўлена яго дачыненне да здзяйснення сямі аналагічных злачынстваў.
Мужчына ў начны час, прымаючы меры канспірацыі, кідаў у банеры ёмістасці з фарбай. Па месцы жыхарства затрыманага выяўленая фарба, якая выкарыстоўвалася для здзяйснення злачынства.
Судовы працэс пачаўся яшчэ 20 ліпеня.
У судовым пасяджэнні Дзяніс Бычкоў віну ў здзяйсненні злачынстваў прызнаў у поўным аб'ёме. Прычыненую шкоду кампенсаваў, раскайваўся ў зробленым.
Прысудам суда Бычкоў прызнаны вінаватым у наўмысных дзеяннях, якія груба парушаюць грамадскі парадак і выказваюць відавочную непавагу да грамадства, суправаджаюцца знішчэннем чужой маёмасці, адрозніваюцца па сваім змесце выключным цынізмам (хуліганства), і на падставе ч. 1 арт. 339 КК яму прызначана пакаранне ў выглядзе абмежавання волі на тэрмін 1 год 6 месяцаў.
Ён жа прызнаны вінаватым у наўмысных дзеяннях, якія груба парушаюць грамадскі парадак і выказваюць відавочную непавагу да грамадства, суправаджаюцца знішчэннем чужой маёмасці, адрозніваюцца па сваім змесце выключным цынізмам, учыненых паўторна, і на падставе ч. 2 арт. 339 КК яму прызначана пакаранне ў выглядзе абмежавання волі на тэрмін 3 гады.
Па сукупнасці злачынстваў шляхам паглынання менш строгага пакарання больш строгім, канчаткова абвінавачанаму прызначана пакаранне ў выглядзе абмежавання волі з накіраваннем у папраўчую ўстанову адкрытага тыпу на тэрмін тры гады.
