Па два гады "хіміі". У Наваполацку вынеслі прысуды за жнівеньскія пратэсты

2021 2021-01-21T17:36:31+0300 2021-01-21T17:43:25+0300 be https://spring96.org/files/images/sources/shaura-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Суд горада Наваполацка 21 студзеня вынес прысуд па крымінальнай справы супраць Віктара Шаўра і Віталя Шыцікава па арт. 342 Крымінальнага кодэкса (арганізацыя або актыўны удзел у групавых дзеяннях, якія груба парушылі грамадскі парадак) за падзеі 10 жніўня ў Наваполацку. Суддзя Віталь Лапко асудзіў іх на два гады "хіміі" кожнага.

Віктар Шаура. Фота з сацыяльных сетак
Віктар Шаура. Фота з сацыяльных сетак

Нагадаем, Віктар Шаўра быў затрыманы ў Наваполацку ўвечары 10 жніўня. Віктар Шаўра быў прызнаны палітычным зняволеным, пазней яго выпусцілі пад падпіску. Віталь Шыцікаў таксама знаходзіўся пад падпіскай аб нявыездзе.

Паводле абвінавачвання, "Віктар Шаўра разам з Віталём Шыцікавым і іншымі неўстаноўленымі асобамі вечарам 10 жніўня прынялі актыўны ўдзел ў групавых дзеяннях, якія груба парушылі грамадскі парадак <...> разам з іншымі рухаліся па праезнай частцы вуліцы Маладзёжнай Наваполацка, ішлі наперадзе групы грамадзян, на забаронены сігнал светлафора, перакрывалі рух транспарту,  гучна крычалі “Жыве Беларусь!”, “Ганьба”, “Позор”, “Уходи!”, пляскалі ў далоні, нецэнзурна лаяліся ў бок прадстаўнікоў праваахоўных органаў".

Суд горада Наваполацка асудзіў Шаўра і Шыцікава на 2 гады абмежаваньня волі з накіраваньнем ва ўстанову адкрытага тыпу.

Падрабязнасці з судоў:

Наваполацк: судзяць “арганізатараў” групавых дзеянняў, якія парушылі грамадскі парадак

Віктар Шаўра разам з Віталём Шыцікавым і іншымі неўстаноўленымі асобамі вечарам 10 жніўня прынялі актыўны ўдзел ў групавых дзеяннях …разам з іншымі ішлі наперадзе групы грамадзян, на забаронены сігнал светлафора.

У Наваполацку працягваецца суд над актыўнымі ўдзельнікамі жнівеньскіх падзей

Суд Наваполацка 14 студзеня працягвае разглядаць крымінальную справу мясцовых жыхароў Віктара Шаўра і Віталя Шыцікава, якіх абвінавачваюць у арганізацыі або актыўным удзеле ў групавых дзеяннях, якія груба парушылі грамадскі парадак (арт. 342 Крымінальнага кодэкса).

Апошнія навіны

Партнёрства

Сяброўства