Знявага дзяржаўнага сцяга і "хуліганка": суды ў Берасці і Гомелі

17 лістапада вынесены прысуд па крымінальнай справе жыхара Берасця Юрыя Касцюка за знявагу дзяржаўнага сцяга.

Суддзя Ленінскага раёна Аляксандр Семянчук палічыў Касцюка вінаватым па артыкуле 370 Крымінальнага кодэксу і прызначыў пакаранне, якое запытваў пракурор Ляшчук (максімальнае пакаранне па дадзеным артыкуле) – адзін год абмежавання волі з накіраваннем у выпраўленчую ўстанову адкрытага тыпу.

Па матэрыялах следства, 4 верасня Юрый Касцюк ішоў з сябрамі каля гасцініцы “Маладзёжная”.

У часе размовы Касцюк тузануў дзяржаўны сцяг, які там вісеў. Сцяг зваліўся.

Асобу юнака неўзабавае ўстанавілі. Адміністрацыя гатэлю вылучыла матэрыяльныя прэтэнзіі за зламанае дрэўка ў памеры 58 рублёў.

У Берасці - новы суд у лістападзе за знявагу дзяржаўнага сцяга

У судзе Ленінскага раёна Берасця 16 лістапада разглядалася крымінальная справа Юрыя Касцюка. Мясцовага жыхара абвінавачваюць у знявазе дзяржаўных сімвалаў па артыкуле 370 Крымінальнага кодэксу.

 У судзе Цэнтральнага раёна Гомеля ў гэтыя хвіліны разглядаецца аналагічная справа Георгія Васіленкі, але  па  ч. 2. арт 339 КК (Хуліганства).

Георгій Васіленка 16 жніўня спусціў з флагштока дзяржсцяг і падняў бел-чырвона-белы сцяг.

Суддзя - Сяргей Салоўскі. Пракурор - Жураўская.