Праваабарончы цэнтр «ВЯСНА»

Навіны за 27 чэрвеня 2012

27.06.2012 «Крэатыў» веткаўскіх педагогаў

Чаго толькі не прыдумаюць у аддзеле адукацыі і інспекцыі па справах непаўналетніх, каб “выхаваць” і “забавіць” падлеткаў! У час летняга адпачынку дарослыя і разумныя педагогі выдумалі новую забаву - экскурсію ў гомельскі следчы ізалятар. Гэтая паездка запомніцца дзецям надоўга.

27.06.2012 Брэст: БХД падала заяўкі на шэсці ў падтрымку палітвязняў

Актывісты незарэгістраванай партыі “Беларуская Хрысціянская дэмакратыя” (БХД) падалі ў Брэсцкі гарвыканкам заяўкі на правядзенне 10 і 14 ліпеня шэсцяў, якія будуць прысвечаны Паўлу Севярынцу і іншым беларускім палітвязням.

27.06.2012 У Баранавічах запланаваны рэспубліканскі мітынг

Прадпрымальнік і грамадскі актывіст з Баранавічаў Мікалай Чарнавус падаў у гарвыканкам заяву на правядзенне рэспубліканскага мітынгу 9 ліпеня. Яго мэта - данесці да людзей, што сапраўдных выбараў у Беларусі няма як на мясцовым, так і на рэспубліканскім узроўнях. У заяве Мікалая Чарнавуса паведамляецца, што запланаваны ўдзел у мітынгу каля тысячы чалавек.

27.06.2012 Распачаўся ператрус у «Крэсовіі»

Распачаўся ператрус у яшчэ адным офісе Саюзу палякаў «Крэсовія».

27.06.2012 У Магілёве сёння нагадалі пра палітвязняў

Чарговая акцыя з заклікам “Свабоду палітвязням!” адбылася ў абласным цэнтры 27 чэрвеня. Гэтым разам актывісты “Нашага Магілёва” зладзілі распаўсюд лістовак у цэнтры горада на пешаходнай вуліцы Ленінскай. Ва ўлётках распавядаецца, што ў месцах пазбаўлення волі, якія знаходзяцца на Магілёўшчыне, утрымліваецца 7 з 13-ці палітвязняў. Сярод іх - палітык Мікола Статкевіч і праваабаронца Алесь Бяляцкі.

27.06.2012 Гародня: “атака” на памяшканне, дзе працаваў Андрэй Пачобут

Супрацоўнікі АМАПу прыйшлі ў офіс Саюза палякаў на Беларусі, паказалі пастанову на правядзенне вобшуку, падпісаную начальнікам Ленінскага РАУС горада Гродна і паведамілі, што ператрус павінен прайсці ў звязку з тым, што паводле меркавання следства ў памяшканні ёсць друкаваная прадукцыя, якая можа нанесці шкоду дзяржаве. Офіс здымае на сваё імя Андрэй Пачобут, які зараз знаходзіцца ў турме. На 15-ю гадзіну супрацоўнікі сілавых структур у офіс яшчэ не патрапілі.

27.06.2012 Улады Брэста трымаюць у сакрэце змены ў рашэнне пра масавыя мерапрыемствы

Пра змены ў рашэнне гарвыканкама № 210 “Аб масавых мерапрыемствах у горадзе Брэсце” жыхары абласнога цэнтра не ведаюць, бо нават на афіцыйным сайце Брэсцкага гарвыканкама дадзенае рашэнне размешчана без зменаў і дадаткаў.

27.06.2012 Дзяржаўны журналіст пра апазіцыю: «опы», «кодла», «адшчапенцы»

На сайце рагачоўскай раённай газеты «Свабоднае слова» з'явіўся артыкул «Сабака брэша – караван ідзе» за подпісам галоўнага рэдактара. Аўтар не саромеецца ў выразах і ацэнках датычна мясцовых актывістаў дэмакратычнага руху.

27.06.2012 З рэдактарамі “Гомельскай праўды” і “Светлага жыцця” правялі гутаркі пра дыскрымінацыю і ксенафобію

Праваабаронца Марыя Багдановіч атрымала адказ з Міністэрства інфармацыі Рэспублікі Беларусь (19.06.2012 №01-13/Кол-109) на зварот сябраў Беларускага Хельсінкскага камітэту, пад якім яны сабралі подпісы 40 чалавек.

27.06.2012 Баранавічы: афіцыйныя сайты маўчаць пра выбары

Сайты Баранавіцкага гарадскога выканкама (baranovichy.by) і Баранавіцкага раённага выканкама (baranovichi.brest-region.by) па стане на 27 чэрвеня не маюць рубрыкі, прысвечанай парламенцкім выбарам.

27.06.2012 Гулак: «Барацьба з тэрарызмам» – закручваньне гаек

У сьпіс дзяржаўных установаў, якія змагаюцца з тэрарызмам і экстрэмізмам, могуць дадацца Памежны і Мытны камітэты Беларусі, а таксама Міністэрства інфармацыі. Такая норма закладзеная ў зьмяненьнях і дапаўненьнях у некаторыя законы Рэспублікі Беларусь у пытаньнях барацьбы з тэрарызмам і супрацьдзеяньня экстрэмізму.

27.06.2012 Камітэт абароны журналістаў патрабуе вызваліць Пачобута і Свярдлова

Таксама міжнародная арганізацыя патрабуе расследаваць пагрозы на адрас журналісткі Ірыны Халіп.

27.06.2012 Беларусь на парадку дня Савета па правах чалавека ААН

Сёння, 27 чэрвеня, Савет па правах чалавека ААН разглядае ў Жэневе сітуацыю з правамі чалавека ў Беларусі і пазіцыю міжнароднай супольнасці па гэтым пытанні.

27.06.2012 Алесь Бяляцкі: “Чытаю газеты, з кнігамі – горай, бо часу не стае”

Грамадская актывістка з горада Бабруйска Вольга Піманава 26 чэрвеня атрымала ліст ад палітвязня, старшыні Праваабарончага цэнтра “Вясна” Алеся Бяляцкага.

27.06.2012 Спроба правакацыі супраць рабочага “Граніта”

Кіраўніцтва РУВП “Граніт”, размешчанага ў Мікашэвічах, працягвае кампанію па дыскрэдытацыі дзеючага на прадпрыемстве незалежнага прафсаюза. Адміністрацыя прадпрыемства паспрабавала учыніць правакацыю ў дачыненні да роднага брата лідэра суполкі незалежнага прафсаюза Алега Стахаевіча.