Праваабарончы цэнтр «ВЯСНА»

Навіны за 1 чэрвеня 2012

01.06.2012 Віктар Адзіночанка: Ёсць вялікія праблемы з рэалізацыяй права на свабоду сумлення ў нашай краіне (відэа)

Па афіцыйным меркаванні рэлігійная сітуацыя ў Беларусі стабільная і бесканфліктная, хоць найбольшая вага і належыць Беларускай праваслаўнай царкве. Між тым, ёсць і іншыя погляды на праблему з рэалізацыяй права на свабоду сумлення.

01.06.2012 У Гародні пачаліся суды над удзельнікамі пікету

У Гародні сёння, у дзень адкрыцця фестывалю нацыянальных культур, міліцыя затрымала 21 чалавека – удзельнікаў пікету ў абарону польскамоўнага навучання ў сярэдняй школе №36. Пры разгоне акцыі і затрыманні міліцыянты паводзілі сябе досыць брутальна. На большасць затрыманых склалі пратаколы пра адміністрацыйныя правапарушэнні. На некаторых складзена нават па два.

01.06.2012 Брэстчане – супраць дыскрымінацыйнага рашэння аб масавых мерапремствах

У Брэсцкі аблвыканкам перададзены зварот наконт адмены рашэння гарадскіх уладаў, якое тычыцца правядзення масавых мерапрыемстваў. Пад гэтым зваротам, які адначасова накіраваны ў пракуратуру Брэсцкай вобласці, мясцовыя праваабаронцы сабралі каля 200 подпісаў жыхароў горада.

01.06.2012 Суд над Аляксеем Пікулікам (аднаўляецца)

Аляксея Пікуліка асудзілі на пяць сутак адміністрацыйнага арышту.

01.06.2012 Спроба страйку на віцебскім домабудаўнічым камбінаце

Рабочыя заводу буйнапанэльнага домабудаўніцтва, які ўваходзіць у склад ДБК, адмовіліся 1 чэрвеня прыступаць да працы, бо напярэдадні ім не выплацілі заробак. Праз некалькі гадзінаў заробкі на банкаўскіх картках з’явіліся, і працоўны дзень распачаўся.

01.06.2012 Палітвязня Дзядка змясцілі ў адзіночку на паўгода

Паводле рашэння начальніка Шклоўскай калоніі № 7 Мікалай Дзядок, які адбывае там пакаранне тэрмінам чатыры з паловай гады, пераведзены ў памяшканне камернага тыпу, так званы «БУР», на паўгода.

01.06.2012 7 сутак арышту Міхаілу Пашкевічу (дапоўнена)

Як стала вядома, паседжанне суду прайшло без адваката з Мінску. У 14.00 суддзя Ірына Алісейка абвесціла прысуд - 7сутак арышту.

01.06.2012 У Менску затрыманыя тэлежурналісткі

Літаральна паўгадзіну таму ў Менскім дзіцячым парку імя Горкага супрацоўнікі міліцыі затрымалі тэлежурналістак Таццяну Белашову і Вольгу Чайчыц. Яны рабілі рэпартаж з нагоды Дня абароны дзяцей.

01.06.2012 Пікет у Гародні ўсё ж адбыўся

Пікет, які планавалі правесці ў Гародні прадстаўнікі непрызнанага ўладамі Саюзу палякаў Беларусі, усё ж адбыўся. Каля аблвыкавнкаму на плошчы Леніна сабралася больш за 30 актывістаў, якія прыйшлі пратэставаць супраць уводзінаў расейскамоўных класаў у польскай школе № 36. Удзельнікі пікету на плошчы Леніна разгарнулі расцяжку “Не аддамо польскую школу”.

01.06.2012 «Гомельскаму дэмакратычнаму форуму» адмовілі ў памяшканні для правядзення майстар-класу

Грамадзянская ініцыятыва «Гомельскі дэмакратычны форум» планавала 31 мая правесці майстар-клас «Узаемадзеянне НДА і СМІ: узаемны інтарэс і кропкі сутыкнення». На мерапрыемства былі запрошаны прадстаўнікі НДА і СМІ, блогеры і медыяактывісты.

01.06.2012 У Гародні міліцэйская аблава на журналістаў

Першы дзень лета адзначаны ў Гародні сапраўдным “паляваннем” на журналістаў. Незалежны журналіст Андрэй Пачобут затрыманы і знаходзіцца ў міліцэйскім пастарунку па вуліцы Курчатава. Іншы журналіст Ян Роман таксама затрыманы, яго тэлефон не адказвае, па некаторай інфармацыі яго завезлі ў Ленінскі РАУС горада.

01.06.2012 Горадня: затрыманыя журналісты

Сёньня ў Гародні затрыманыя Андрэй Пачобут, Ян Роман, Андрэй Фралоў. Міліцыянты прыйшлі дадому да Алеся Дзянісава — незалежнага музыкі і журналіста.

01.06.2012 Глабальны Форум-2012

З 31 траўня па 2 чэрвеня ў польскім горадзе Ўроцлаве праходзіць Трэці штогадовы Глабальны форум (Global Forum). Ён будзе прысвечаны трансатлантычнаму супрацоўніцтву і пашырэнню дэмакратыі і свабоды, у прыватнасці ў краінах Усходняга партнёрства.

01.06.2012 Брэсцкі абласны суд не задаволіў скаргу Алега Стахаевіча

Кіраўнік суполкі незалежнага прафсаюзу прадпрыемства “Граніт” у Мікашэвічах спрабаваў дамагчыся аднаўлення на працы, аднак калегія абласнога суду прызнала законным рашэнне, якое раней прыняў суд Лунінецкага раёну у гэтай справе, і прызнаў законным звальненне Алега Стахаевіча.

01.06.2012 Работнікам "Беларуськалія" забаранілі падпрацоўваць (дакумент)

Супрацоўнікаў ААТ “Беларуськалій”, якія маюць у падначаленні хоць бы аднаго чалавека, прыраўналі да дзяржаўных службовых асобаў і цягам мая ўсіх прымусілі падпісаць “абавязальніцтвы па выкананню мераў па папярэджанні карупцыі”.