Праваабарончы цэнтр «ВЯСНА»

Навіны за 12 чэрвеня 2012

12.06.2012 Агляд-хроніка парушэнняў правоў чалавека ў Беларусі. Травень 2012

Травень не прынёс ніякіх станоўчых зменаў у агульнай сітуацыі з правамі чалавека і ў праблеме палітвязняў у прыватнасці. Сітуацыя з палітвязнямі ўскладнілася вынясеннем яшчэ аднаго палітычна матываванага крымінальнага прысуду. Асобы, якія незаконна і неаднаразова пазбаўляліся волі на працяглы тэрмін, па меркаванні праваабаронцаў, на перыяд свайго затрымання таксама лічацца палітычнымі вязнямі.

12.06.2012 Слонім: Суд аштрафаваў збітую міліцыянтамі актывістку БХД

У Слоніме 12 чэрвеня адбыўся суд над мясцовай актывісткай аргкамітэту па стварэнні партыі "Беларуская Хрысціянская Дэмакратыя" Вольгай Пансевіч, якую ў красавіку збілі міліцыянты. Абвінаваціўшы ў непадпарадкаванні міліцыі і нецэнзурнай лаянцы, суд пакараў яе штрафам у 2,5 мільёны рублёў.

12.06.2012 У Гародні суд над святаром перанесены

12 чэрвеня ў Гародні пачаўся суд над праваслаўным святаром Мікалаем Гайдуком, якога вінавацяць у непадпарадкаванні міліцыі і адмове прайсці дактыласкапію. Суддзя перанесла разгляд справы на 22 чэрвеня, паколькі сведкі-міліцыянты не змаглі прысутнічаць на судовым паседжанні, бо занятыя на працы. Аднак праваабаронцы называюць іншыя прычыны.

12.06.2012 Запрашаюцца назіральнікі, якія будуць сачыць за парушэннямі правоў студэнтаў

У Брэсце пачынаецца набор назіральнікаў. У рамках праекту “Маніторынг парушэння акадэмічных правоў і свабод” запрашаюцца студэнты завочных і дзённых формаў навучання, а таксама выкладчыкі.

12.06.2012 Алег Дашкевіч: “Самы першы канфлікт у нашай краіне – уладаў і правоў чалавека”

Старшыня асацыяцыі BelFilm Алег Дашкевіч распавядае, як разьвіваецца сучасная беларуская кінадакументалістыка, якое месца ў ёй займае праваабарончая тэматыка і якой у фільмах паўстае Беларусь.

12.06.2012 Валянцін Стэфановіч: "У Францыі адчуваецца істотны інтарэс да справы Алеся Бяляцкага"

На мінулым тыдні намеснік кіраўніка Праваабарончага цэнтра "Вясна" Валянцін Стэфановіч наведаў з рабочым візітам Парыж. У гэтым горадзе размешчаны офіс Міжнароднай Федэрацыі за правы чалавека (FIDH), віцэ-прэзідэнтам якой з'яўляецца вядомы беларускі праваабаронца Алесь Бяляцкі.

12.06.2012 Суд ня вызваліў Алеся Бяляцкага ад пошліны за касацыю

Калегія Менскага гарадзкога суду вырашыла, што Алесь Бяляцкі мусіць сплаціць 3,5 мільёна дзяржаўнай пошліны за разгляд касацыйнай скаргі на прысуд. З-за нявызначанасьці гэтага пытаньня адкладаўся разгляд касацыйнай скаргі Алеся Бяляцкага на прысуд.

12.06.2012 «Дастойныя людзі сядзяць у засценках, а палітвязняў выпускаем»

Сёння Аляксандр Лукашэнка правядзе нараду па пытаннях амністыі. Падрыхтаваць праект закона аб амністыі Лукашэнка публічна распарадзіўся, выступаючы са штогадовым пасланнем да народа і парламента 8 мая.

12.06.2012 Відэафільм берасцейскага праваабаронцы адзначаны прэміяй

Дакументальны фільм “Пальчыкі або Урок гісторыі. Берасце” Уладзіміра Вялічкіна ўвайшоў у тройку прызёраў сярод 130 фільмаў, дасланых на конкурс асацыяцыі Belfilm. Праваабаронца раскрывае праблему прымусовай дактыласкапіі праз факты гвалту над асобай, якія мелі месца ў гісторыі, пачынаючы з часоў фашысцкай Германіі.

12.06.2012 Суд над Паўлам Сяргеем перанесены ў чарговы раз

Працяг разгляду адміністратыўнай справы актывіста зарэгістраванай у Чэхіі арганізацыі “Малады фронт” Паўла Сяргея павінен быў адбыцца сёньня ў судзе Фрунзенскага раёна Менска. Суддзя Людміла Лаппо. Аднак у чарговы раз суд перанесены на 22 чэрвеня.

12.06.2012 Праваабарончая праграма “Людзьмі звацца!” на Радыё Рацыя

“Падзея тыдня”: суды над гарадзенцамі, якія змагаюцца за польскамоўнае навучанне ў сярэдняй школе №36. "Асоба. Дзяржава. Грамадства": праваабаронца Алег Волчак - пра масіраваны ўціск з боку сілавых структураў. “Праваабарончы каляндар”: 12 чэрвеня – Сусветны дзень барацьбы з дзіцячай працай.