Праваабарончая праграма “Людзьмі звацца!” на Радыё Рацыя

Кожны аўторак у 15:05 ў эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня", “Асоба. Дзяржава. Грамадства” ды “Праваабарончы каляндар”.

У гэтым выпуску:

Найбольш гучныя факты парушэнняў правоў чалавека за мінулы тыдзень - у “Хроніцы пераследу”.

“Падзея тыдня” прысвечана судоваму пераследу ўдзельнікаў пікету ў Гародні 1 чэрвеня, які ладзіўся ў абарону польскамоўнага навучання ў сярэдняй школе №36. У гэты дзень міліцыя затрымала каля 20 чалавек. Большасць з іх была пакараная вялікімі штрафамі, а некаторыя - арыштаваныя.  

Госць рубрыкі "Асоба. Дзяржава. Грамадства" – праваабаронца Алег Волчак. 2 чэрвеня праваабаронца выйшаў на волю пасля 9-сутачнага арышту, якім скончылася чарговае яго беспадстаўнае затрыманне і асуджэнне нібыта за дробнае хуліганства.  

У “Праваабарончым календары” – Сусветны дзень барацьбы з дзіцячай працай, што адзначаецца 12 чэрвеня.