Праваабарончы цэнтр «ВЯСНА»

Навіны за 13 чэрвеня 2012

13.06.2012 Хоцімск: праваахоўнікі папярэджваюць дэмакратычных актывістаў

На працягу апошняга тыдня супрацоўнікі праваахоўных органаў праводзяць прафілактычныя гутаркі з дэмакратычнымі актывістамі Хоцімскага раёна і папярэджваюць аб адказнасці за ўдзел у несанкцыяваных уладамі мерапрыемствах.

13.06.2012 Глыбокае: Падатковая інспекцыя схіляе да прымусовай падпіскі на галіновы часопіс

З інспекцыі тэлефануюць па прадпрыемствах ды "настойліва прапануюць" падпісацца на часопіс "Налоговый вестник". Між тым кошт часопіса не малы – 640 800 рублёў на паўгода.

13.06.2012 Гародня: як звычайна суд на баку гарвыканкаму

Суддзя Ленінскага раённага суду Гародні Ала Баўсук за паўгадзіны разгледзела скаргу актывіста АГП на забарону пікету і не задаволіла яе. Падчас працэсу суддзя таксама не задаволіла хадайніцтва актывіста, які спрабаваў заявіць сваёй прадстаўніцай на судзе Аляксандру Васілевіч.

13.06.2012 Абласны начальнік ад культуры супраць беларусізацыі

Начальнік Упраўлення культуры Гродзенскага аблвыкама Аляксандр Вярсоцкі патрабуе ад падначаленых “прыняць канкрэтныя меры па недапушчэнні правядзення кіраўнікамі дзяржаўных устаноў, іншых арганізацый палітыкі прымусовай беларусізацыі і штучнага скарачэння выкарыстання рускай мовы ў іх дзейнасці”.

13.06.2012 Хочаш ва ўніверсітэт – адпрацуй размеркаванне

Міністэрства адукацыі хоча забавязаць выпускнікоў каледжаў спачатку адпрацаваць два гады па спецыяльнасці, а толькі пасля дазволіць паступаць у ВНУ.

13.06.2012 Васіль Парфянкоў накіраваў у суд касацыйную скаргу

Актывіст грамадзянскай кампаніі "Гавары праўду" Васіль Парфянкоў накіраваў касацыйную скаргу на свой прысуд у Мінскі гарадскі суд. Як удзельніка падзеяў на плошчы 19 снежня 2010 года яго прысудзілі да 4 гадоў зняволення.

13.06.2012 Amnesty International пра сытуацыю ў Беларусі

У верасьні 2011 году ў аналягічным дакладзе арганізацыя адзначыла значнае пагаршэньне сытуацыі з правамі чалавека ў Беларусі пасьля выбараў у сьнежні 2010 году. Паводле ацэнкі Amnesty International стан справаў з таго часу не палепшыўся. Далей сытуацыя аналізуецца ў розных галінах грамадзянскіх і палітычных свабодаў.

13.06.2012 Палякі падпісваюцца пад “Петыцыяй супраць сьмяротнага пакараньня ў Беларусі”

Шэсцьдзесят тысяч грамадзян Польшчы наведалі інтэрнэт-старонку сайта Праваабарончага цэнтру “Вясна” з “Петыцыяй супраць сьмяротнага пакараньня ў Беларусі” на польскай мове. Толькі ў траўні каля дзесяці тысяч з іх пакінулі свой подпіс пад петыцыяй.

13.06.2012 Эўразьвяз патрабуе вызваленьня палітвязьняў і свабодных выбараў

«Без прагрэсу ў двух важнейшых пытаньнях — вызваленьні палітвязьняў і стварэньні ўмоваў для правядзеньня свабодных і чэсных выбараў — ціск на беларускія ўлады з боку Эўрапейскага Зьвязу будзе толькі ўзрастаць», — такую заяву зрабіў увечары 12 чэрвеня ў Менску Джон К’еры — прадстаўнік службы зьнешніх сувязей Эўразьвязу.

13.06.2012 Баранавічы: “Белая Русь” актыўна рыхтуецца да працы ў выбаркамах

Гэта вынікае з артыкула пад назвай “Белая Русь”: молада, ды не зялёна”, які надрукавала 9 чэрвеня афіцыйная газета Баранавіцкага гарвыканкама “Наш край”. Cтаршыня Анатоль Каленнікаў заявіў, што за чатыры гады дзейнасці “Белая Русь” стала самай уплывовай палітычнай арганізацыяй у горадзе.

13.06.2012 Трыбуна FIDH: Для Алеся Бяляцкага вясна прымушае сябе чакаць ...

Прэзідэнт Міжнароднай Федэрацыі за правы чалавека (FIDH) Суэр Белхасэн апублікавала на старонках французскага часопіса Altermondes (№ 30, чэрвень 2012 г.) свой погляд на сітуацыю з правамі чалавека ў Беларусі: "Сімвалам гэтых рэпрэсій з'яўляецца арышт Алеся Бяляцкага, старшыні Праваабарончага цэнтра "Вясна".

13.06.2012 У Брэсце змагаюцца за захванне гістарычнай спадчыны

Мясцовы каардынатар Руху “За Свабоду” Дзяніс Турчаняк звярнуўся да дэпутатаў Брэсцкага абласнога савета з просьбай адмяніць рашэнне аблвыканкама аб будаўніцтве адміністрацыйна-гасцінічнага комплексу на месцы гістарычных будынкаў.

13.06.2012 Улады прапанавалі рагачоўцам зарабіць грошай на абласныя «Дажынкі» на суботніках

Старшыня райвыканкама Віктар Банчук паведаміў жыхарам Рагачова, што «Дажынкі» усе-такі будуць, але не рэспубліканскія, а абласныя. Гэта стала для жыхароў горада, калі верыць раённай газеце, «прыемным сюрпрызам»: да свята абласнога маштабу ў горадзе «новага будаўніцтва не будзе».

13.06.2012 Складанасці людзей з абмежаванымі магчымасцямі ў Маладэчне (відэа)

Канстытуцыя Рэспублікі Беларусь гарантуе роўнасць правоў для ўсіх сацыяльных груп насельніцтва краіны. Нягледзячы на некаторыя захады і дзяржпраграмы, актуальнай праблемай для інвалідаў-калясачнікаў з'яўляецца недаступнасць гарадской інфраструктуры і адсутнасць у шматкватэрных жылых дамах безбар'ернага асяроддзя — наяўнасць высокіх бардзюраў, парогаў і адсутнасць пандусаў. Пры гэтым, паводле розных падлікаў, у Беларусі ад 20 да 22 тысяч чалавек перамяшчаюцца на інвалідных калясках.

13.06.2012 Місія ЗША ў АБСЕ пра сітуацыю з правамі чалавека ў Беларусі

Місія мяркуе, што ўрад РБ абмяжоўвае свабоду перамяшчэння сваіх грамадзянаў, і асуджае гэтыя дзеянні. Як прыклад прыводзіць нядаўнія затрыманні на мяжы былых палітычных вязняў Андрэя Саннікава ды Змітра Бандарэнкі.