Праваабарончы цэнтр «ВЯСНА»

Навіны за 19 чэрвеня 2012

19.06.2012 Брэсцкая ДАІ працягвае змагацца з налепкамі

Каардынатар Руху «За Свабоду» у горадзе Брэсце Дзяніс Турчаняк мяркуе, што на яго пачаўся ціск збоку прадстаўнікоў праваахоўных ворганаў, ад якога церпяць і родныя грамадскага актывіста.

19.06.2012 Гародня: суд не задаволіў скаргу Аляксандры Васілевіч

У судзе Ленінскага раёну Гародні завяршыўся адміністратыўны працэс па скарзе старшыні гарадской арганізацыі Аб’яднанай Грамадзянскай Партыі Аляксандры Васілевіч на дзеянні мясцовага гарвыканкаму.

19.06.2012 Валянцін Стэфановіч: “Новы закон аб амністыі спрэс палітызаваны, а большасць палітвязняў - “злосныя парушальнікі”

Праваабаронцы жорстка раскрытыкавалі накіраваны ў парламент праект закона аб амністыі за яго палітызаванасць. Пры гэтым падчас адмысловай нарады Лукашэнка заяўляў, што “ніякай палітыкі тут быць не павінна” і “ўсё павінна быць сумленна”.

19.06.2012 Таццяна Рэвяка: “Барыс Звозскаў быў для нас не толькі ўзорам прафесійнасці, але і сябрам”

Таццяна Рэвяка, прэзідэнт Беларускага дома правоў чалавека ў Вільні, даўно была знаёмая з Барысам Ігаравічам Звозскавым, а ў 2009-м годзе стала яго пераемніцай на гэтай пасадзе. Таццяна дзеліцца сваімі ўспамінамі пра калегу і сябра, чый сыход з жыцця стаў вялікай стратай для Беларусі.

19.06.2012 Гары Паганяйла дамагаецца права выезду за мяжу

Гары Паганяйла патрабуе вярнуць яму права на выезд за межы Беларусі. Старшыня юрыдычнай камісіі Беларускага Хельсінскага камітэта падаў іск супраць Міністэрства ўнутраных спраў і Міністэрства юстыцыі.

19.06.2012 Сёння дзень народзінаў адзначае Аун Сан Су Чжы

19 чэрвеня нарадзілася адна з самых вядомых у свеце дысідэнтаў, лаўрэатка Нобелеўскай прэміі міру 1991 года – ўплывовая абаронца правоў і свабоды ў Бірме Аун Сан Су Чжы (Aung San Suu Kyi).

19.06.2012 Баранавічы: шостая запар забарона пікета

Рыгор Грык 18 чэрвеня атрымаў ліст за подпісам намесніка старшыні Баранавіцкага гарвыканкама Дз. Касцюкевіча, у якім паведамляецца, што гарвыканкам не дае згоды на правядзенне пікета 24 чэрвеня ў старым парку горада пад лозунгам “Спыніць рэпрэсіўныя дзеянні ўладаў і чыноўнікаў”.

19.06.2012 У Брэсце распачалася акцыя “Задай пытанне дэпутату!”

Як распавёў старшыня абласной арганізацыі БСДП (Г) Ігар Маслоўскі, тэрмін паўнамоцтваў дэпутатаў Палаты прадстаўнікоў Нацыянальнага сходу заканчваецца, таму самы час спытаць кожнага з іх, што “народны абраннік” зрабіў персанальна, якія свае перадвыбарныя абяцанні выканаў, як абараняў сваіх выбаршчыкаў ад сацыяльна-эканамічнага крызісу.

19.06.2012 Падзяліцеся сваімі ўспамінамі пра Барыса Звозскава

Цяпер, калі Барыса Ігаравіча ўжо няма з намі, усе, каго жыццё, сяброўства ці праца звялі з гэтым выдатным чалавекам, могуць падзяліцца сваімі ўспамінамі пра яго. Каб ушанаваць памяць выбітнага беларускага праваабаронцы, трэба перайсці на адмыслова створаную мемарыяльную інтэрнэт-старонку.

19.06.2012 Праваабарончая праграма “Людзьмі звацца!” на Радыё Рацыя

У цэнтры ўвагі рубрыкі “Падзея тыдня”– вялікая страта ў беларускім праваабарончым руху – з жыцця пайшоў першы прэзідэнт Беларускага Дома правоў чалавека, адзін з заснавальнікаў аб'яднання "Прававая ініцыятыва", Барыс Звозскаў. Госьцем рубрыкі “Асоба. Дзяржава. Грамадства” стаў аўтар вядомага перфомансу "Мусарок" Іван Амельчанка.

19.06.2012 Анархіста Дзмітрыя Дубоўскага шукалі нават у лядоўні

У ноч з 13 на 14 чэрвеня, каля гадзіны ночы супрацоўнікі Салігорскага РАУСа ўварваліся ў кватэру бацькоў анархіста Дзмітрыя Дубоўскага, аднаго з фігурантаў "справы менскіх анархістаў", які цяпер знаходзіцца за межамі Беларусі.