Праваабарончы цэнтр «ВЯСНА»

Навіны за 17 красавіка 2012

17.04.2012 Рагачоўскі суд пакуль не вызначыўся – па якому артыкулу судзіць Дзяніса Дашкевіча

У судовым паседжанні, на якім разглядаюць адміністрацыйны пратакол у дачыненні грамадскага актывіста з Рагачова Дзяніса Дашкевіча, абвешчаны перапынак да 25 красавіка. Суддзя пакуль не вызначылася, ці падпадаюць дзеянні актывіста пад нейкі адміністрацыйны артыкул і ці наогул з'яўляецца ён адказчыкам па дадзенай справе.

17.04.2012 Андрэй Саннікаў: Тое, што зрабілі з маёй сям'ёй, гэта жах

У Менску 17 красавіка адбылася прэс-канферэнцыя палітвязняў Андрэя Саннікава і Зміцера Бандарэнкі. Андрэй Саннікаў паведаміў, што напісаў хадайніцтва аб памілаванні, каб спыніць правакацыі і ціск. Але падкрэсліў, што «віны» сваёй не прызнаваў, піша сайт "Хартыі'97".

17.04.2012 Amnesty International заклікала вызваліць усіх вязняў сумлення

“Рашэнне аб вызваленні двух беларускіх вязняў сумлення, у тым ліку апазіцыйнага кандыдата ў прэзідэнты, з’яўляецца крокам у правільным кірунку, але цяпер улады мусяць вызваліць пяць астатніх чалавек, якія знаходзяцца ў турме з 2011 года”, — заявіла Amnesty International.

17.04.2012 ЗША заклікалі афіцыйны Мінск "без усякіх умоў вызваліць астатніх палітзняволеных"

ЗША прынялі да ўвагі вызваленне экс-кандыдата ў прэзідэнты Беларусі Андрэя Саннікава і яго даверанай асобы на выбарах-2010 Дзмітрыя Бандарэнкі. Пра гэта заявіў прадстаўнік Дзярждэпартамента ЗША Марк Тонер. Тэкст размешчаны на афіцыйным сайце Дзярждэпа.

17.04.2012 Гарадзенскія актывісты падалі ў суд на гарвыканкам

Гарадзенскі гарвыканкам адмовіў грамадскім актывістам у правядзенні мітынгу 25 сакавіка, прымеркаванага да гістарычнай даты – Дня Волі. У скарзе заяўнікі просяць таксама прызнаць таксама неправамерным гарвыканкаму “Аб вызначэнні месцаў для правядзення масавых мерапрыемстваў у горадзе Гродна”.

17.04.2012 Праваабарончая праграма “Людзьмі звацца!” на Радыё Рацыя

“Падзея тыдня”: вызваленьне двух палітвязняў - экс-кандыдата ў прэзідэнты Андрэя Саннікава і ягонай даверанай асобы Зьміцера Бандарэнкі. “Праваабарончы каляндар”: Міжнародны дзень Маці-Зямлі, які з 2010 году адзначаецца пад эгідай ААН 22 красавіка.

17.04.2012 У Рагачове судзяць грамадскага актывіста Дзяніса Дашкевіча

Суд пачаўся ў 11.00. Прыкладна ў гэты ж час на сайце vrogaceve.ru з'явіўся артыкул ад імя Дзяніса Дашкевіча, у якім у абразлівым свеце падаецца інфармацыя пра беларускую апазіцыю агулам і гомельскіх сяброў палітычных партый і праваабаронцаў у прыватнасці. «Наш сайт узламаны невядомымі, і на ім з'явіліся гэтыя абразлівыя матэрыялы".

17.04.2012 Салігорская пракуратура праігнаравала парушэнне заканадаўства

Скарга грамадскага актывіста Уладзіміра Шылы ў пракуратуру на дачу нематываваных адказаў Салігорскім выканкам пакінута без разгляду. Нагадаем, што ўжо некалькі месяцаў запар мясцовы актывіст спрабуе легальным шляхам дамагчыся правядзення масавага мерапрыемства ў Салігорску.

17.04.2012 Гомельская міліцыя трэніравалася «працаваць» на мітынгах насупраць дома апазіцыянера (відэа)

17 красавіка раніцай прыватны дом гомельскага апазіцыянера Кастуся Жукоўскага трапіў у поле зроку спецназу і атрадаў міліцыі, якія правялі тут незразумелыя аператыўныя мерапрыемствы кшталту вучэнняў. Насупраць дому Жукоўскага размешчаны следчы ізалятар, а ягонае домаўладанне ўпрыгожана бел-чырвона-белай сімволікай і нацыянальнымі сцягамі.

17.04.2012 Севярынец можа быць умоўна-датэрмінова вызвалены

Паводле яго слоў, 19 красавіка надыходзіць тэрмін, зыходзячы з якога ён можа быць вызвалены ўмоўна-датэрмінова. Аднак ніякіх прашэнняў аб памілаванні ён не пісаў. Хоць у дзяжурцы яму кажуць, што вось Саннікава і Бандарэнку вызвалілі, і раяць Севярынцу напішась прашэнне.

17.04.2012 Мінчанцы, якая абараняе парк 40-годдзя Кастрычніка ў Мінску, пагражаюць міліцыя і КДБ

Мясцовыя жыхары занепакоеныя планамі па пашырэнні забудовы каля парку 40-годдзя Кастрычніка ў Мінску, заявіла сябра ініцыятыўнай групы па абароне парку Людміла Гайкоўская 16 красавіка на прэс-канферэнцыі.

17.04.2012 У Мікалая Аўтуховіча абвастрыліся праблемы са здароўем

У вязьня гарадзенскай турмы Мікалая Аўтуховіча пагоршала здароўе: у яго абвастрыліся праблемы з ныркамі і страўнікам, перадае сябра ваўкавыскага прадпрымальніка праваабаронца Алег Воўчак са спасылкай на ягоныя лісты. Але настрой, паведамляе Алег Воўчак, у Мікалая Аўтуховіча бадзёры.

17.04.2012 Пракуратура даручыла скаргу разледзець самому парушальніку

Магілёўская пракуратура адмовілася прыцягнуць да адказнасці абласны Дэпартамент дзяржаўнай інспекцыі працы. Замест таго, каб разгледзець факты бяздзейнасці Дэпартамента, пракуратура пераслала скаргу праваабаронцы Барыса Бухеля для разгляду ў сам Дэпартамент.

17.04.2012 Сёння ў Алеся Бяляцкага і Наталлі Пінчук — срэбнае вяселле

Якім быў гэты дзень чвэрць стагоддзя таму? Пра гэта Наталля распавяла “Нашай Ніве”.

17.04.2012 Краіны ЕС працягваюць кансультацыі аб вяртанні сваіх паслоў у Мінск

Між тым дата абмеркавання беларускага пытання Саветам ЕС невядомая. Найбліжэйшае пасяджэнне Савета ЕС адбудзецца ў Люксембургу 23 красавіка, але беларускае пытанне ў парадак дня пакуль не ўключана.