Праваабарончы цэнтр «ВЯСНА»

Навіны за 23 красавіка 2012

23.04.2012 ЛТП і зона - у чым падабенства? (відэа)

Былы спартовец, майстра спорту па боксу Анатоль распавядае пра ўмовы знаходжання ў ЛТП (Лячэбна працоўным прафілакторыі), у якім залежныя ад алкаголя людзі жывуць і працуюць фактычна ў турэмных ўмовах. Прымусовае накіраванне на "лячэнне" ў ЛТП з'яўляецца абмежаваннем права на свабоду і асабістую недатыкальнасць, таму знаходзіцца ў фокусе ўвагі беларускіх праваабаронцаў.

23.04.2012 Супраць атамных эксперыментаў

У Брэсце адбыўся “круглы стол”, на якім эколагі прэзентавалі “Белую Кнігу”, прысвечаную атамнай энергетыцы. Удзельнікі мерапрыемства падпісалі зварот да кіраўніцтва Беларусі з заклікам спыніць атамныя эксперыменты (“гэта не просьба, а настойлівае патрабаванне часу”), бо ад грамадскасці наўмысна хаваюць усе адмоўныя наступствы будаўніцтва АЭС у Астраўцы.

23.04.2012 ПЦ “Вясна” патрабуе спынення крымінальнага пераследу Васіля Парфянкова

Васілю Парфянкову пагражае да году пазбаўлення волі, і ў выпадку развіцця справы ў гэтым накірунку Васіль Парфянкоў будзе бясспрэчна прызнаны новым палітычным вязнем. Заява Праваабарончага цэнтру “Вясна”

23.04.2012 Віцебскі абласны суд тлумачыць прычыны закрытасці працэсаў

Жыхары Віцебску пакінулі з два дзесяткі допісаў у Кнізе скаргаў і прапановаў, калі іх не пусцілі на працэс па касацыйнай скарзе Сяргея Каваленкі, які праходзіў 10 красавіка, і на працэс па касацыйных скаргах Валерыя Шчукіна, Сяргея Калякіна, Анатоля Лябедзькі і Аляксандра Атрошчанкава.

23.04.2012 Ператрус на кватэры ў Касі Галіцкай

23 красавіка супрацоўнікі спэцслужбаў правялі ператрус у кватэры актывісткі «Маладога фронту» Касі Галіцкай. Нічога падазронага не знайшлі.

23.04.2012 У Віцебску забаранілі тры пікеты да ўгодкаў Чырнобыльскай трагедыі

Сябру КХП БНФ Яну Дзяржаўцаву прыйшлі адмовы з раённых адміністрацый. Актывіст прасіў, каб мясцовыя ўлады далучыліся да арганізацыі мерапрыемстваў, але яго просьбу праігнаравалі. Актывісты заклікалі жыхароў горада, удзельнікаў ліквідацыі аварыі на Чарнобыльскай АЭС узяць удзел у жалобным мерапрыемстве "Вянок Чарнобылю".

23.04.2012 ААН дапаможа беларускім уладам захаваць правы чалавека

Арганізацыя аб’яднаных нацый гатовая паспрыяць афіцыйнаму Мінску ў гэтай сферы.

23.04.2012 Праваабаронцаў Віктара Сазонава і Уладзіміра Хільмановіча трымалі на мяжы больш 5 гадзінаў

Урэшце быў складзены пратакол “затрымання” кніжак “Наша Вясна” і фотаальбомаў, прысвечаных палітвязням і падзеям плошчы 19 снежня 2010 году. Былі забраныя таксама два дыскі з дакументальным фільмам “Прычына смерці – прочырк”. Цягам месяцу павінна адбыцца экспертыза гэтых матэрыялаў.

23.04.2012 Палітвязні не выказваюць надзеяў на хуткае вызваленне

“Асабіста я атрымаў апошнімі днямі лісты і паштоўкі ад Зміцера Дашкевіча, Алеся Бяляцкага, Паўла Севярынца, Мікалая Статкевіча і Мікалая Аўтуховіча, - распавядае бялыніцкі журналіст Барыс Вырвіч. – Усе палітвязні трымаюцца вельмі добра, настрой у іх аптымістычны. Праўда, надзеі на хуткае вызваленне таксама ніхто не выказвае".

23.04.2012 Ушчыльненне гарадской забудовы па-салігорску

Шчыльнасць насельніцтва Салігорску амаль у два разы перавышае гэты паказчык у Мінску. Больш за тое, па шчыльнасці насельніцтва сталіца шахцёраў апярэджвае такія буйнейшыя гарады свету, як Лондан, Мехіка, Токіа, Ганг-Конг, Сінгапур, Ліён, Нью-Ёрк і нават Маскву. Часам здаецца, што ўлады ствараюць невыносныя жыццёвыя ўмовы.

23.04.2012 Падтрымка актывістам незалежнага прафсаюза “Граніта”

Сярод тых, хто ў апошнія дні абвесціў пра салідарнасць з рабочымі РУПП “Граніт”, што адчуваюць ціск з боку ўладаў і адміністрацыі прадпрыемства за намер стварыць незалежную прафсаюзную суполку, былі і прадстаўнікі Беларускай партыі “Зялёныя”.