Праваабарончы цэнтр «ВЯСНА»

Навіны за 27 красавіка 2012

27.04.2012 Віленская прабежка Уладзіміра Малея – за свабоду Бяляцкаму (відэа)

Уладзімір Малей, праваабаронца і нястрымны марафонец з Берасця, ужо не адну дыстанцыю прабег з заклікам “Свабоду Бяляцкаму!”

27.04.2012 Сябры перадалі музычнае віншаванне Алесю Бяляцкаму да 16-годдзя “Вясны” (аўдыё)

Сёння “вясноўцы” павіншавалі свайго нязменнага кіраўніка з 16-ай гадавінай дзейнасці заснаванай ім арганізацыі. Песню пра вясну для Алеся перадалі праз "Радыё Магілёў", што вяшчае online і на хвалях 96,4 FM. У адным з сваіх лістоў Алесь напісаў сябрам, што гэтую радыёхвалю слухаюць у бабруйскай калоніі.

27.04.2012 МЗС лічыць беларусаў дастаткова абароненымі ад гвалтоўных знікненняў

МЗС лічыць, што Беларусі няма неабходнасці далучацца да Міжнароднай канвенцыі па абароне ўсіх асоб ад гвалтоўных знікненняў, паколькі яе палажэнні рэалізаваны ў заканадаўстве РБ. МЗС адзначае таксама, што крымінальнае заканадаўства РБ і практыка яго прымянення базуецца на строгім захоўванні гарантыі абароны ад крадзяжу людзей, за якім наступае іх знікненне.

27.04.2012 Справаздача па назіраньні за масавым мерапрыемствам 26 красавіка 2012 г. “Чарнобыльскі шлях”

“Чарнобыльскі шлях” насіў мірны характар, нягледзячы на праявы гвалту з боку невялікай колькасьці яго ўдзельнікаў. Таксама з боку міліцыі мелі месца беспадстаўныя затрыманьні ўдзельнікаў акцыі. Гэта з’яўляецца недапушчальным і сведчыць, што падчас акцыі незаконна абмяжоўвалася права грамадзян на мірныя сходы.

27.04.2012 Суды за “Чарнобыльскі шлях”

Уладзімір Яроменак атрымаў 7 сутак арышту. Зміцер Крэмянецкі запатрабаваў адваката. Суд перанесены на 28 красавіка. Суддзя Дзмітрый Паўлючэнка пакараў яго арыштам таксама на 7 сутак. Рамана Васільева вярнулі са шпіталю і асудзілі на 15 сутак. Мікола Дземідзенка асуджаны на 15 сутак арышту. Суддзя Дзмітрый Паўлючэнка. Міхаіл Мускі - суддзя Аксана Рэлява, 15 сутак арышту.

27.04.2012 Прэзідэнцкая адміністрацыя ігнаруе беларускую мову

Віцебскі сябар КХП БНФ Ян Дзяржаўцаў, патрабуючы, каб чыноўнікі адказвалі на яго звароты па-беларуску, дайшоў да прэзідэнцкай адміністрацыі. І адтуль яму таксама даслалі адказ на рускай мове.

27.04.2012 Абласны суд адхіліў скаргу віцебскіх актывістаў наконт забароны акцый ў Дзень Волі

Пасля таго, як гарвыканкам забараніў праводзіць у Дзень Волі щрачыстае шэсце і сход жыхароў Віцебску, актывісты звярталіся ў Кастрычніцкі раённы суд. Але там адхілілі іх скаргу на забарону імпрэзаў намеснікам старшыні Віцебскага гарвыканкаму Уладзімірам Шломам.

27.04.2012 Беларускія ліквідатары: права на бяспраўе (відэа)

Беларусь з'яўляецца адзінай дзяржавай на постсавецкай прасторы, дзе гарантыі для ўдзельнікаў ліквідацыі наступстваў катастрофы на ЧАЭС былі адменены раптоўна. Пра гэта распавядаюць жодзінскія ліквідатары Аляксандр Валчанін і Аляксандр Равінскі.

27.04.2012 Брэсцкія ўлады забаранілі першамайскую дэманстрацыю

Заяўку на правядзенне гэтага мерапрыемства ў гарвыканкам падавалі кіраўнікі мясцовых арганізацый Беларускай сацыял-дэмакратычнай партыі (Грамада) Ганна Канюс і Беларускай партыі левых “Справядлівы свет” Людміла Дзенісенка.

27.04.2012 Пракурор Крычаўскага раёна не рэагуе на звароты незалежных журналістаў

Ужо некалькі разоў журналісты газеты “Вольны горад” звярталіся да пракурора Крычаўскага раёна Уладзіміра Трывайлы з просьбай распавесці аб сітуацыі, якая склалася ў Крычаўскім раёне па выніках 2011 года па пытаннях барацьбы з карупцыяй і арганізаванай злачыннасцю.

27.04.2012 Паўлу Севярынцу адмоўлена ва ўмоўна-датэрміновым вызваленні

Аднаму з фігурантаў крымінальнай справы аб масавых беспарадках 19 снежня 2010 года сустаршыні аргкамітэта па стварэнні партыі "Беларуская хрысціянская дэмакратыя" Паўлу Севярынцу адмоўлена ва ўмоўна-датэрміновым вызваленні.

27.04.2012 Аляксандру Францкевічу адмоўлена ў спатканьні з маці

Кіраўніцтва Івацэвічскай калоніі №22, дзе адбывае пакараньне актывіст Аляксандр Францкевіч, праінфармавала вязня, што яму адмоўлена ў спатканьні, якое прызначалася на 4 траўня.

27.04.2012 Першамайскі мітынг у Мікашэвічах забаронены

Заяўка на правядзенне гэтай масавай акцыі, якая ставіла на мэце выказаць падтрымку актывістам незалежнага прафсаюза прадпрыемства “Граніт”, была адхілена кіраўніцтвам мясцовага гарвыканкаму, бо ў гэты ж дзень на стадыёне запланавалі гарадскую спартакіяду.

27.04.2012 У Гомелі міліцыя не перашкаджала зладзіць акцыю памяці

Каля 30 актывістаў усклалі кветкі да капліцы, пабудаванай у памяць ахвяраў катастрофы на ЧАЭС. Прадстаўнікі АГП, партыі «Справядлівы свет», кампаніі «Гавары праўду» правялі таксама невялікае шэсце да капліцы ад універсаму «Бранскі» і зладзілі хвіліну маўчання.

27.04.2012 Міністэрства аховы здароўя не каментуе прапанову Тозіка

Зварот барысаўскага праваабаронцы Алега Мацкевіча з просьбай даць ацэнку прапанове віцэ-прэм'ера Анатоля Тозіка з нагоды платнага наведвання паліклінік «завіс» ў Міністэрстве аховы здароўя.