Першамайскі мітынг у Мікашэвічах забаронены
Заяўка на правядзенне гэтай масавай акцыі, якая ставіла на мэце выказаць падтрымку актывістам незалежнага прафсаюза прадпрыемства “Граніт”, была адхілена кіраўніцтвам мясцовага гарвыканкаму, бо ў гэты ж дзень на стадыёне запланавалі гарадскую спартакіяду.
Ініцыятары правядзення мітынгу - старшыня Беларускага незалежнага прафсаюза Мікалай Зімін і кіраўнік суполкі гэтага прафсаюза на прадпрыемстве “Граніт” Алег Стахаевіч – атрымалі з гарвыканкама паведамленне, што іх акцыя забаронена ў адпаведнасці з Законам аб масавых мерапрыемствах, які не дазаваляе ладзіць некалькі масавых мерапрыемстваў у адным месцы.
Аднак актывісты незалежнага прафсаюза сумняюцца, што гарадская спартакіяда сапраўды планавалася на 1 мая, бо раней у Мікашэвічах у гэты дзень падобныя спаборніцтвы ніколі не праводзіліся. Арганізатары мітынга гатовыя абскарджваць у судзе забарону сваёй акцыі, калі высветліцца, што ніякай спартакіяды першапачаткова не рыхтавалі.
