Сваякі асуджаных па рэзанансных справах звярнуліся да кіраўніцтва Дэпартамента выканання пакаранняў Фота Дапоўнена

2018 2018-12-18T10:05:00+0300 2018-12-18T12:37:35+0300 be http://spring96.org/files/images/sources/dvp_milicyja_1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Будынак Дэпартамента выканання пакаранняў

Будынак Дэпартамента выканання пакаранняў

Родныя і блізкія, асуджаных па некаторых рэзанансных крымінальных справах, запатрабавалі сустрэчы з кіраўніцтвам Дэпартамента выканання пакаранняў МУС Беларусі.

Разам з прадстаўнікамі грамадскасці, актывістамі “Еўрапейскай Беларусі” і Форуму “Свабода палітвязням” раніцай 18 снежня яны прыйшлі да будынку ДВП на вуліцу Брылеўскую, каб перадаць кіраўніцтву дэпартамента свой калектыўны зварот.

Маці Тараса Аватарава, Іллі Валовіка і некаторых іншых перажываюць за жыццё сваіх дзяцей і вельмі занепакоеныя тымі жорсткімі ўмовамі ўтрымання, у якіх яны адбываюць пакаранне.

У 10 гадзін раніцы каля будынку ДВП сабраліся маці Тараса Аватарава Людміла Поспіх, бацька Расціслава Светчыкава, актывісты Максім Вінярскі,  Вольга Нікалайчык і некаторыя іншыя.

Людміла Поспіх паведаміла журналістам, што сваякі збіраюцца пісаць зварот аб патрабаванні спыніць катаванні ў дачыненні да асуджаных і наладзіць сістэму назірання ў калоніях з удзелам міжнародных структураў, каб спыніць  бязмежжа адміністрацыі пенітэнцыярных устаноў.

Актывісты каля Дэпартамента выканання пакаранняў.

Актывісты каля Дэпартамента выканання пакаранняў.

"Здзекі і катаванні над беларускімі грамадзянамі, якія знаходзяцца за кратамі ў беларускіх турмах, перайшлі ўсе межы. Сёння прадстаўнікі беларускай грамадскасці, розных рухаў і плыняў, мусяць стаць на бок гэтых мацярок, гэтых бацькоў, каб разам прадухіліць пагрозы жыццю і Тарасу Аватараву, і Міхаілу Жамчужнаму, і многім іншым. Мы падрыхтавалі калектыўны зварот ад грамадскасці, творчай інтэлігенцыі Беларусі, ветэранаў працы, былых вайскоўцаў, актывістаў, каб урэшце спыніць здекі і катаванні ў пенітэнцыярнай сістэме Беларусі," -  заявіла Вольга Нікалайчык.

Актывісты каля Дэпартамента выканання пакаранняў.

Супрацоўнікі Дэпартамента папярэджваюць, што будынак з’яўляецца рэжымным аб’ектам і здымаць нельга. Адганяюць актывістаў разам з супрацоўнікам АМАПу.

 Актывісты каля Дэпартамента выканання пакаранняў.

Супрацоўнікі Дэпартамента выклікалі нарад міліцыі, а бацькоў асуджаных і некалькі журналістаў прапусцілі ў памяшканне для перадачы петыцыі.

Супрацоўнік Кастрычніцкага РУУС паведаміў, што што іх выклікалі да Дэпартамента на ахову грамадскага парадку. Размова пра несанкцыянаваны сход не ідзе.

Пра некаторы час сваякі зняволеных змаглі перадаць калектыўны зварот кіраўніцтву ДВП. 

Апошнія навіны

Партнёрства

Сяброўства