viasna on patreon

У Беларусі без пераменаў: мірны сход завяршыўся спробамі затрымання

2018 2018-03-19T12:40:00+0300 2018-03-19T12:46:17+0300 be https://spring96.org/files/images/sources/5a5de8e9-6d14-48e2-8abc-bb7661b70d0d_w650_r0_s.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Акцыя ў Брэсце. Фота: Радыё Свабода

Акцыя ў Брэсце. Фота: Радыё Свабода

У нядзелю, 18 сакавіка ў Брэсце на плошчы Леніна адбылася чарговая акцыя, у якой прынялі ўдзел больш за 150 чалавек.

Акцыя супраць будаўніцтва акумулятарнага завода, якую берасцейцы скончылі спевамі песні “Жыць”, прайшла мірна.

Праваабаронцам стала вядома пра спробу затрымання аднаго з актывістаў - сябра Аб’яднанай грамадзянскай партыі Аляксандра Кабанава. Падчас мірнай акцыі ён размаўляў з людзьмі, вёў прамую трансляцыю.

Пасля заканчэння схода з плошчы ўслед за Аляксандрам Кабанавым пайшлі двое супрацоўнікаў АМАПу.

Аляксандр Кабанаў распавядае Радыё Рацыя:

- За мной два “хвасты” прывязаліся. Пад’ехала машына з АМАПаўцамі. Мяне ўжо чакалі. Але дзіўна, што калі я ўключыў на фэйсбуку прамы эфір,  яны ад мяне адчапіліся. Пад’ехалі яшчэ жыхары Берасця – мужчына і жанчына.  Яны папярэдзілі, што за мной ідуць людзі, што пад’ехалі АМАПаўцы, і прапанавалі правесці мяне дадому.

Нагадаем, што напрыканцы 2017 года ў Беларусі распачаўся экалагічны канфлікт: у Брэсце мясцовае насельніцтва актыўна выступае супраць будаўніцтва акумулятарнага завода. Прычына - небяспека, якую ўтойваюць у сябе іх выкіды ў паветра.

Апошнія навіны

Партнёрства

Сяброўства