Брэсцкі абласны суд не задаволіў скаргу звольненага інжынера прадпрыемства “Граніт” у Мікашэвічах

2016 2016-04-02T08:11:07+0300 2016-04-02T08:11:38+0300 be http://spring96.org/files/images/sources/tabula-uladzimir-granit.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Уладзімір Табула, Мікашэвічы.

Уладзімір Табула, Мікашэвічы.

Уладзімір Табула прасіў суд аднавіць яго на пасадзе намесніка начальніка аддзела па ахове працы, бо пазней ён быў з парушэннем працоўнага заканадаўства пераведзены на пасаду інжынера гэтага аддзела, а пасля ўвогуле звольнены.

Падчас разгляду справы ў Лунінецкім раённым суддзе было засведчана, што адміністрацыя прадпрыемства “Граніт” парушыла заканадаўства ў момант пераводу Табулы на іншую пасаду. Больш таго, абласны суд нават прыняў рашэнне кампенсаваць яму маральныя страты. Але, няглядзечы на гэта, самае галоўнае патрабаванне – аб аднаўленні на працы – ні суд першай інстанцыі, ні абласная судовая ўстанова не падтрымалі.

Сам Уладзімір Табула прычыну свайго звальнення бачыць не ў адсутнасці прафесіяналізму, а ў дачыненні да незалежнага прафсаюза. Паводле яго словаў, праблемы на працы пачаліся пасля таго, як у адміністрацыі “Граніта” даведаліся, што ён з’яўляецца сябрам прафсаюза работнікаў радыёэлектроннай прамысловасці. Табула нагадаў, што за апошнія гады на прадпрыемстве ў Мікашэвічах пазбавіліся ўсіх работнікаў, якія ўступілі ў незалежны прафсаюз, а таксама запалохваі іх родных. Уладзімір Табула кажа, што фактычна ён заставаўся апошнім на “Граніце”, хто меў дачыненне да незалежнага прафсаюзнага руху. Сваё звальненне ён па-ранейшаму лічыць незаконным і будзе аспрэчваць гэтае рашэнне ў вышэйшых судовых інстанцыях.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international