У Беларусь забаранілі ўезд праваабаронцам з Расіі і Украіны

Праваабаронцы з Нарвежскага хельсінскага камітэту 15 чэрвеня апоўначы былі затрыманыя ў Менскім аэрапорце. Грамадзянка Расіі Іна Сангажыева і грамадзянка Украіны Вольга Шамшур накіроўваліся з Франкфурта ў Менск па асабістых справах. Аднак памежнікі  знайшлі іх прозвішчы ў сьпісе непажаданых для ўезду ў краіну асобаў. У пашпарты праваабаронцам былі пастаўленыя пячаткі “Уезд забаронены”.

На пытанні аб прычыне забароны на ўезд памежнік адказаў лаканічна: “Відаць раней вы нешта зрабілі супрацьзаконнае, таму і патрапілі ў спісы”.

Гэтай жа ноччу Іну Сангажыеву і Вольгу Шамшур пад канвоем суправодзілі на зваротныя рэйсы ў Франкфурт і Вену.