Салігорск: Судзяць былога дэсантніка, які прайшоў увесь горад з бел-чырвона-белым сцягам Дапоўнена
На суд да Руслана Акосткі не змаглі патрапіць некалькі дзесяткаў чалавек.
Крымінальную справу Руслана Акосткі, былога дэсантніка, які 15 лістапада здолеў прайсці амаль праз увесь горад з бел-чырвона-белым сцягам, пачаў 2 лютага разглядаць суд Салігорскага раёна.
Руслан Акостка быў затрыманы 15 лістапада, а назаўтра суд Салігорскага раёна пастанавіў пакараць яго за ўдзел у несанкцыянаваным масавым мерапрыемстве на 15 сутак адміністрацыйнага арышту. Аднак на волю Руслан так і не выйшаў.
У дачыненні да былога дэсантніка 30 лістапада распачалі крымінальную справу за супраціў супрацоўніку міліцыі, які ахоўвае грамадскі парадак, а таксама за нанясенне цялесных пашкоджанняў, якія не панеслі за сабой цяжкіх ускладненняў і шкоды здароўю. (арт 363 КК РБ). Да суда Акостка быў змешчаны пад варту. Утрымліваўся ў Жодзінскім СІЗА.
На Руслана Акостку завялі крымінальную справу за супраціў супрацоўнікам міліцыі
Справу разглядае суддзя Алеся Серадзенка.
2 лютага, недзе за паўгадзіну да пачатку працэсу, заля была цалкам запоўненая. Пусцілі чалавек 25 невядомых людзей. Некалькі дзесяткаў чалавек засталіся стаяць на вуліцы.
- Руслан Акостка ў судзе. Фота: Салiгорск.ORG
На вуліцы спрабавалі затрымаць карэспандэнтаў Белсату. Яны вельмі прафесійна зніклі, пасля таго як знялі рэпартаж. Ні міліцыянты, ні прысутныя так і не зразумелі, куды яны падзеліся.
Вядома, што пацярпелы супрацоўнік міліцыі Ягор Царыковіч таксама вылучыў матэрыяльную прэтэнзію ў памеры 2 000 рублёў.
У першы дзень дапыталі сведкаў-міліцыянтаў. Відэа, якое здымаў адзін з іх на камеру Sony, па якім можна было б з ўпэўненасцю казаць аб вінаватасці Руслана, у судзе прадэманстравана не было "па тэхнічных прычынах".
аксама былі прагледжаны відэа з персанальных відэарэгістратараў "Дазор". Гэтыя відэа былі абрэзаныя і на пытанне адвакаткі, чаму так адбылося, уцямнага адказу міліцыянты не далі. Адсутнічае момант, калі Руслана нясуць у машыну, тады ён атрымаў траўму вейка.
Наступнае судовае пасяджэнне прызначанае на 3 лютага. Пачатак у 10-30.
