Навіны на тэму: заявы
25.11.2011 Libereco пачынае акцыю фота-петыцый у падтрымку Алеся Бяляцкага
Праваабарончая арганізацыя Libereco-Partnership for Human Rights асудзіла вынясенне прысуду старшыні Праваабарончага цэнтру "Вясна" Алесю Бяляцкаму. Сумесна з беларускімі і міжнароднымі праваабарончымі арганізацыямі Libereco патрабуе неадкладнага і безумоўнага вызвалення Алеся Бяляцкага, які быў затрыманы і асуджаны выключна па палітычных матывах.
25.11.2011 IDEA-Еўразія заяўляе аб салідарнасці з калегам Алесем Бяляцкім
Заява удзельнікаў сеткі грамадзянскага ўзаемадзеяння IDEA-Еўразія з нагоды прысуду ў дачыненні да беларускага праваабаронцы Алеся Бяляцкага
24.11.2011 Amnesty International: “Прысуд беларускаму актывісту “палітычна матываваны”
“Беларускія ўлады павінны неадкладна вызваліць вядомага праваабаронцу, асуджанага па палітычна матываваных фінансавых абвінавачваннях”, — заклікае міжнародная праваабарончая арганізацыя Amnesty International у распаўсюджанай сёння адмысловай заяве.
24.11.2011 Гнеў і абурэнне: Віцэ-прэзідэнт FIDH Алесь Бяляцкі асуджаны да 4,5 гадоў калоніі ўзмоцненага рэжыму
«Мы асуджаем гэта рашэнне беларускага суду як незаконнае і палітычна матываванае. Больш за тое, самі слуханні ў чарговы раз даказалі, што гэты судовы працэс быў прамой замовай кіруючага рэжыму: агучаны ліст КДБ, які паслужыў падставай для судовага пераследу, прамы таму доказ», - заявіла Суэр Белхасен, прэзідэнт FIDH.
24.11.2011 "Грамадзянская супольнасць Беларусі атрымала сёння моцны ўдар"
"Прысуд абсалютна непрымальны. Правячы сённяшні рэжым падарваў павагу правоў чалавека ў краіне яшчэ больш. Гэта з'яўляецца відавочным папярэджаннем для ўсёй грамадзянскай супольнасці, у якім Алесь Бяляцкі з'яўляецца цэнтральнай фігурай. Прысуд напрамую звязаны з дзейнасцю Алеся Бяляцкага і ПЦ "Вясна" ў галіне правоў чалавека ў Беларусі".
24.11.2011 Чэхія заклікае РБ спыніць рэпрэсіі
«Міністэрства замежных справаў Чэскай Рэспублікі шакаванае рашэньнем суду пакараць Алеся Бяляцкага, старшыню беларускага праваабарончага цэнтру «Вясна» чатырма з паловай гадамі зьняволеньня.
24.11.2011 Дэпутаты бундэстага: працэс і прысуд над Бяляцкім - пагроза для ўсяго беларускага грамадства
Сумесную заяву з нагоды прысуду Алесю Бяляцкаму 24 лістапада зрабілі віцэ-спікер бундэстага Катрын Герынг-Экардт і дэпутат Марылуізэ Бэк ад імя фракцыі партыі «Саюз90/Зялёныя». «Прысуд вядомаму праваабаронцу Алесю Бяляцкаму – фарс з юрыдычнага пункту гледжання і трагедыя - з чалавечага», - гаворыцца ў заяве.
24.11.2011 Рада Еўропы: Бяляцкі павінен быць вызвалены без усялякіх умоваў
Рада Еўропы асуджае прысуд, вынесены Алесю Бяляцкаму. Пра гэта гаворыцца ў заяве генеральнага сакратара арганізацыі Турб'ерна Ягланда.
24.11.2011 Афіцыйны Парыж шакаваны прысудам Бяляцкаму
Афіцыйны Парыж шакаваны прысудам суда па справе беларускага праваабаронцы Алеся Бяляцкага і зноў заклікае неадкладна яго вызваліць. Аб гэтым заявіў афіцыйны прадстаўнік МЗС Францыі Бернар Валеро.
24.11.2011 Эштан і Фюле: Беларусь папоўніла сьпіс палітвязьняў
Мая Кацыянчыч, прэсавы сакратар вярхоўнага прадстаўніка Эўразьвязу ў пытаньнях зьнешняй палітыкі і палітыкі бясьпекі Кэтрын Эштан, сказала нашаму радыё ў сувязі з прысудам Алесю Бяляцкаму.
24.11.2011 Упаўнаважаны па правах чалавека ўраду Нямеччыны патрабуе вызваленьня Бяляцкага
Упаўнаважаны па правах чалавека ўраду Нямеччыны Маркус Ленінг патрабуе вызваленьня беларускага праваабаронцы Алеся Бяляцкага.
24.11.2011 “Перліна” беларускай праваабарончай супольнасці асуджаны да чатырох з паловай гадоў пазбаўлення волі
“Гэты прысуд з'яўляецца ганьбай для Еўропы, і мы ўсе павінны аб’яднацца ў нашым асуджэнні рэжыму Беларусі, - заявіў генеральны сакратар НХК Б’ёрн Энгесланд. - Еўрапейскія лідэры, у тым ліку нарвежскі ўрад, павінны запатрабаваць неадкладнага вызвалення Бяляцкага”.
24.11.2011 Дзейны старшыня АБСЭ заклікаў вызваліць Бяляцкага ды іншых палітвязьняў
Дзейны старшыня Арганізацыі бясьпекі і супрацоўніцтва ў Эўропе (АБСЭ), літоўскі міністар замежных спраў Аўдронюс Ажубаліс выказаў глыбокую трывогу з нагоды выраку беларускаму праваабаронцу Алесю Бяляцкаму.
24.11.2011 Заява сяброў Праваабрончага цэнтру “Вясна” з нагоды прысуду Алесю Бяляцкаму
Мы, сябры Праваабарончага цэнтра “Вясна”, ацэньваем прысуд як расправу над нашым калегам, помсту за ягоную шматгадовую праваабарончую дзейнасць, а таксама як імкненне знішчыць нашу арганізацыю і запалохаць увесь праваабарончы рух Беларусі.
23.11.2011 Кэтрын Эштан і Штэфан Фюле заклікалі неадкладна вызваліць Алеся Бяляцкага
Кэтрын Эштан і Штэфан Фюле выступілі сёння з наступнай заявай: «Мы сур’ёзна занепакоеныя затрыманнем і судовым пераследам міжнародна вядомага беларускага праваабаронцы Алеся Бяляцкага за меркаванае ўхіленне ад выплаты падаткаў.
