Навіны на тэму: экстрэмізм
16.07.2020 У Слаўгарадзе за экстрэмізм пакаралі жанчыну з інваліднасцю
Суд Слаўгарадскага раёна аштрафаваў Анжаліку Калатазішвілі на 10 базавых велічынь за рэпост ў «Аднакласніках» фільма блогера NEXTA "Лукашэнка. Крымінальныя матэрыялы".
09.07.2020 Райвыканкам правёў гутарку, а дыскрымінуючы ромаў артыкул да гэтага часу застаецца на сайце
Міністэрства інфармацыі і Докшыцкі райвыканкам адказалі на заяву Паўла Сапелкі па факце размяшчэння ў газеце "Родныя вытокі" артыкула, у якім утрымліваюцца прыкметы распальвання нацыянальнай варожасці ў дачыненні да народнасці ромаў.
19.06.2020 На актывістку з інваліднасцю са Слаўгарада міліцыя склала пратакол за экстрэмізм
Каля 11 гадзін раніцы ў дом да Анжалікі Калатазішвілі без папярэджання наляцелі супрацоўнікі Слаўгарадскага РАУС. Жанчына перастала выходзіць на сувязь.
17.06.2020 Праваабаронца заявіў у Мінінфарм на факт дыскрымінацыі ромаў у журналісткім матэрыяле
Юрыст Праваабарончага цэнтра "Вясна" Павел Сапелка звярнуўся ў Міністэрства інфармацыі і ў пракуратуру Докшыцкага раёна з заявай па факце размяшчэння на сайце газеты "Родныя вытокі" артыкула з прыкметамі распаўсюджвання экстрэмізму.
29.05.2020 Жыхара Маладзечна аштрафавалі за назву персальнай старонкі ў Instagram
Яўгена Радзівілку вінавацяць у тым, што назва яго персанальнай старонкі ў Instagram утрымлівае абрэвіятуру з чатырох літар, якая паўтары гады таму была ўнесена ў Рэспубліканскі спіс экстрэмісцкіх матэрыялаў.
18.05.2020 На мінчука завялі справу за размяшчэнне ў сацсетках фільма Nexta
Дзевятнаццацігадовага менчука Андрэя Міхалевіча выклікалі ў міліцыю за размяшчэнне ў сацыяльнай сетцы "Вконтакте" фільма Nexta " Лукашэнкі. Крымінальныя матэрыялы". Нягледзячы на тое, што мянчук размясціў ролік за месяц да ўнясення яго ў спіс экстрэмісцкіх матэрыялаў, на яго ўсё адно завялі адміністрацыйную справу.
29.04.2020 У Мазыры спынілі справу аб экстрэмізме супраць кіраўніка мясцовага "Руху за Свабоду"
У Мазыры спынена адміністрацыйная справа аб распаўсюдзе экстрэмісцкіх матэрыялаў супраць кіраўніка мясцовага аддзялення "Руху за Cвабоду" Рыгора Крывіцкага. Пасля двух месяцаў спробаў прыцягнуць актывіста да адказнасці міліцыя так і не даказала яго віну.
23.04.2020 Гамельчука аштрафавалі за публікацыю фільма блогера Nexta пра Лукашэнку
23 красавіка суддзя суда Чыгуначнага раёна Гомеля Яўген Шаршнёў прызначыў штраф у 405 рублёў (15 базавых) гамельчуку Ігару Мазейке за дэманстрацыю ва "ВКонтакте" фільма блогера Nexta "Лукашэнка. Крымінальныя матэрыялы", паведамляе "Гомельская Вясна".
20.04.2020 Камітэт ААН разгледзіць скаргу беларускага музыкі
Камітэт па правах чалавека ААН зарэгістраваў індывідуальнае паведамленне вакаліста музычнай групы аб умяшальніцтве беларускіх уладаў у свабоду творчага выказвання меркавання.
14.04.2020 Праваабарончая праграма "Вясна" на Беларускім Радыё Рацыя
Беларусь адмовіла ў выдачы Расеі Міхаіла Міхалычава. Ён з'яўляецца Сведкай Яговы, якія ў Расеі пераследуюцца паводле анціэкстрэмістскага заканадаўства. Як яно працуе і як уплывае на лёсы сучасных грамадзян (веруючых ды не толькі)?
06.04.2020 Хлопец апублікаваў у тэлеграм-чаце калаж пра міліцыянта і пракурора. На яго склалі пратакол
Хлопца падазраюць у тым, што ён нібыта апублікаваў у адным з беларускіх адкрытых тэлеграм-чатаў карцінку-калаж, дзе ўтрымлівалася выява сцягу Трэцяга рэйху. А менавіта – фотаздымак міліцыянта і дзяржаўнага абвінаваўцы (якія выступалі на судзе Мікіты Емяльянава і Івана Комара), на адзенні якіх і былі дамаляваны сцягі.
31.03.2020 Суд палічыў відэазапіс "Лукашэнка пра Гітлера" дэманстрацыяй нацызму
31 сакавіка суддзя суда Чыгуначнага раёна Гомеля Яўген Шаршнёў прызначыў штраф у 135 рублёў (5 базавых) гамельчуку Ігару Мазейке за дэманстрацыю ў "ВКонтакте" відэазапісы "Лукашэнкі пра Гітлера", паведамляе "Гомельская Вясна". Яшчэ адзін пратакол па абвінавачванні ў экстрэмізме суд вярнуў у міліцыю для ліквідацыі недахопаў.
30.03.2020 У Гомелі будуць судзіць за распаўсюд відэа пра Лукашэнку
31 сакавіка суд Чыгуначнага раёна Гомеля разгледзіць адміністрацыйныя пратаколы, складзеныя ў міліцыі супраць гамяльчука Ігара Мазейкі, піша "Гомельская Вясна". Маладога хлопца абвінавачваюць у распаўсюджванні нацысцкай сімволікі і экстрэмісцкіх матэрыялаў.
30.03.2020 На кіраўніка мазырскага “Руху за Свабоду” чатыры разы перапісвалі пратакол за экстрэмізм
Супрацоўнікі Мазырскага РАУС ніяк не могуць аформіць правапарушэнне, у якім спрабуюць абвінаваціць актывіста.
13.03.2020 Распранулі да майткоў і шукалі экстрэмісткую літаратуру. Мікалая Дзядка зноў затрымалі на мяжы
Як распавёў “Вясне” Мікалай Дзядок, ноччу з 12 на 13 сакавіка яго знялі з цягніка Варшава-Брэст, дзе ён мусіў перасаджвацца на Мінск. Пратрымалі актывіста прыкладна 3 гадзіны.
