Суд па "справе БелаПАНу" прыпынены як мінімум на два месяцы. Прычына — аднаўленне "працэсуальных дзеянняў"
Суд па "справе БелаПАН" 6 чэрвеня
Чарговае судовае пасяджэнне Мінскага абласнога суда па "справе БелаПАНу", якое праходзіла 29 чэрвеня ў закрытым рэжыме ў судзе Мінскага раёна, завяршылася нечаканым рашэннем аб прыпыненні працэсу як мінімум на два месяцы.
Такое рашэнне прыняў суддзя Вячаслаў Тулейка.
Прычынай стала аднаўленне "працэсуальных дзеянняў". У дачыненні да каго яны праводзяцца або будуць праводзіцца, невядома, піша «Позірк» https://t.me/pozirkonline са спасылкай на BPN.
Судовы працэс пачаўся 6 чэрвеня. Па справе праходзяць чатыры палітзняволеныя: журналіст і медыяменеджар Андрэй Аляксандраў і ягоная нявеста Ірына Злобіна, галоўная рэдактарка і дырэктарка "БелаПАНу" Ірына Леўшына, былы дырэктар агенцтва Дзмітрый Наважылаў.
Палітвязняў абвінавачваюць па шэрагу артыкулаў Крымінальнага кодэксу, сярод якіх арганізацыя групавых дзеянняў, якія груба парушаюць грамадскі парадак, і падрыхтоўка альбо навучанне такой дзейнасці, здрада дзяржаве, стварэнне і кіраўніцтва экстрэмісцкім фарміраваннем, ухіленне ад выплаты падаткаў і збораў.
Суд па справе "БелаПАН": у чым абвінавачваюць чатырох палітвязняў
