СК: Па справе за падзеі 14 ліпеня ў Мінску праходзіць 17 чалавек

2020 2020-08-08T12:56:44+0300 2020-08-08T12:58:16+0300 be https://spring96.org/files/images/sources/zatrymanne_14_viasna26.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Затрыманні 14 ліпеня на Нямізе. Фота: spring96.org

Затрыманні 14 ліпеня на Нямізе. Фота: spring96.org

Як паведамляе прэс-служба Следчага камітэта, па справе па падзеях 14 ліпеня аб парушэнні грамадскага парадку ў Мінску праходзіць 17 падазраваных.

Як заяўляе следства, пры вывучэнні відэазапісаў «выяўлены неаднаразовыя выпадкі прымянення гвалту ў дачыненні да супрацоўнікаў АМАП ГУУС Мінгарвыканкама».

У дачыненні да падазраваных распачатыя крымінальныя справы паводле арт. 342 (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх), арт. 363 (супраціўленне супрацоўніку органаў унутраных спраў) і арт. 364 (гвалт у дачыненні да супрацоўніка органаў унутраных спраў) Крымінальнага кодэкса.

Названыя крымінальныя справы злучаныя ў аднай вытворчасці.

"У выніку падазраванымі прызнаныя 17 грамадзян. Пры гэтым выяўлена, што 12 з іх ужывалі ў той дзень гвалт у дачыненні да супрацоўнікаў АМАП.

У сапраўдны момант да дзесяці мужчын прыменена мера стрымання ў выглядзе заключэння пад варту, а васьмі з іх — прад'яўлена абвінавачанне ва ўжыванні гвалту ў дачыненні да супрацоўнікаў органаў унутраных спраў. У ходзе допытаў большасць прызналі віну ва ўдзеле ў несанкцыянаваных масавых мерапрыемствах і прымяненні гвалту ў дачыненні да супрацоўнікаў міліцыі і пакаяліся ў зробленым, — гаворыцца ў паведамленні СК.

Таксама СК пазначыў, што "шэраг абвінавачаных ініцыятыўна выказалі жаданне папрасіць прабачэння перад супрацоўнікамі міліцыі". Юрыст Праваабарончага цэнтра "Вясна" Аляксей Лойка асабліва звяртае ўвагу на гэтую працэдуру. Згодна з п.2 ч.2 арт. 117 Крымінальнага кодэкса "прасіць прабачэнне" абавязаць можа суд, і тое, толькі непаўнагадовых, калі прымяняюцца прымусовыя меры выхаваўчага характару.

Працягваюцца затрыманні ў межах "крыміналак" за падзеі 14 ліпеня ў Мінску. Ужо мінімум 13 фігурантаў

Па стане на 29 ліпеня праваабаронцам "Вясны" вядома, што ў межах крымінальных справаў за падзеі 14 ліпеня ў Мінску затрыманыя мінімум трынаццаць чалавек.

 Крымінальныя справы за падзеі 14 ліпеня ў Мінску. Што вядома?

14 ліпеня ў Мінску былі распачатыя крымінальныя справы па арт. 363, арт. 364 і арт. 342 Крымінальнага кодэкса. "Вясна" публікуе вядомую па стане на 23 ліпеня інфармацыю.

Апошнія навіны

Партнёрства

Сяброўства