26 студзеня суд Цэнтральнага раёну г.Мінска вынес рашэньне па адміністратыўнай справе актывіста руху Зубр -- Рамана Казакевіча

Рамана Казакевіч аштрафаваны на 20 базавых велічынь за ўдзел у пікеце, які адбыўся 23 студзеня каля будынку пракуратуры. Нагадаем, што ўдзельнікі пікету трымалі партрэты зьніклых палітыкаў і журналіста Зьмітра Завадзкага, а таксама плакат “Лукашэнка, Шэйман, Сівакоў! Час адказваць!” Амаль усе удзельнікі былі затрыманыя супрацоўнікамі міліцыі, але на разгляд у суд, накіравалі толькі справу Рамана Казакевіча, а ў камісію ў справах непаўнагадовых — Юліі Бандарэнкі, бо менавіта яны трымалі плакат. Пры затрыманьні непаўнагадовая Юлія бандарэнка была зьбітая супрацоўнікам міліцыі – у яе разьбітыя вусны.