viasna on patreon

Намесніка старшыні КХП БНФ аштрафавалі за Дзяды і мітынг у Курапатах

2019 2019-12-09T15:34:29+0300 2019-12-09T15:43:06+0300 be https://spring96.org/files/images/sources/belenki_juras.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Юрась Беленькі. Фота: svaboda.org

Юрась Беленькі. Фота: svaboda.org

Мінскі раённы суд аштрафаваў Юрася Беленькага, намесніка старшыні КХП БНФ, на 765 рублёў. Пра гэта піша Радыё Свабода. 

Палітыка пакаралі як арганізатара шэсця на Дзяды і мітынгу ў Курапатах 3 лістапада ў Мінску. Кіраўніцтва партыі, якое падала заяўку на акцыю, адмовілася складаць дамовы на паслугі з міліцыяй і камунальнікамі. Пра гэта быў складзены пратакол, які разгледзеў суддзя Віктар Шаўцоў.

Першае паседжанне па справе прайшло 3 снежня. Выслухаўшы Юрася Беленькага і сведку-міліцыянта, суддзя папрасіў Беленькага прынесці некаторыя дакументы ды перанёс разгляд справы на 9 снежня.

Аднак сёння, калі Юрась Беленькі паказаў запатрабаваныя дакументы, суддзя Шаўцоў далучыў іх да справы і адразу абвясціў вырак — штраф у 30 базавых велічынь.

«Гэта цалкам палітычнае і незаконнае рашэнне. Відавочны ціск на тыя палітычныя структуры, якія стаяць на пазіцыях адстойвання незалежнасці і гатовыя арганізаваць масавыя пратэсты супраць паглынання Беларусі Расіяй», — сказаў у каментары пасля суду Юрась Беленькі.

Палітык збіраецца абскардзіць пастанову Мінскага раённага суду і ў тым ліку накіраваць скаргу ў ААН. Апошні раз Юрася Беленькага штрафавалі за арганізацыю шэсця і мітынгу на Дзяды пяць гадоў таму.

"Гэта абсурд". Юрася Беленькага будуць судзіць за Дзяды

З-за неаплаты паслуг міліцыі і абслугоўвання тэрыторыі падчас шэсця на Дзяды на Юрася Беленькага быў складзены пратакол аб адміністрацыйным парушэнні па частцы 2 артыкула 23.34 КаАП.

Апошнія навіны

Партнёрства

Сяброўства