У Мінску затрымалі ўдзельніка маскоўскай акцыі

2019 2019-08-28T18:13:29+0300 2019-08-29T07:38:17+0300 be https://spring96.org/files/images/sources/moskva_27.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Мітынг 27 ліпеня ў Маскве. Фота: rusmonitor.com

Мітынг 27 ліпеня ў Маскве. Фота: rusmonitor.com

У Мінску затрымалі ўдзельніка расійскай акцыі супраць нядопуску кандыдатаў на выбары ў Масгардуму, грамадзяніна Расійскай Федэрацыі, Мікіту Чырцова. Міліцыя сказала затрыманаму, што ён знаходзіцца ў вышуку за акцыю 27 ліпеня. Пра гэта ОВД-Инфо паведаміла бабуля затрыманага.

Па дадзеных ОВД-Инфо, Чырцоў сапраўды ўдзельнічаў у акцыі і ўжо быў аштрафаваны па адміністрацыйнай справе за ўдзел у мітынгу (ч. 5 арт. 20.2 КаАП РФ).

Цяпер затрыманы знаходзіцца ў гарадскім аддзеле міліцыі Першамайскага раёна г. Мінска.


27 ліпеня ў Маскве прайшлі акцыі пратэсту ў падтрымку незалежных кандыдатаў на выбарах у Масгардуму, падчас якіх, па дадзеных ОВД-Инфо, затрымалі 1373 чалавек. Праз тры дні пасля акцыі Следчы камітэт пачаў крымінальную справу аб масавых беспарадках. У справе 13 фігурантаў, усім ім прад'явілі абвінавачванне ва ўдзеле ў масавых беспарадках (ч. 2 арт. 212 КК).


 Навіны ад Spring96.org у Telegram. Падпішыся на наш канал https://t.me/viasna96

Апошнія навіны

Партнёрства

Сяброўства