Берасце: Затрыманы праціўнік завода АКБ, нібыта знайшлі патроны і выбухоўку Фота Дапоўнена
Затрыманне аўтамабіля Матвея Майсюка каля Берасця. Фота: "Берасцейская Вясна".
На аўтадарозе, якая вядзе з Берасця ў Гершоны, супрацоўнікі ДАІ разам з людзьмі ў цывільным, гадзіну таму затрымалі аўтамабіль сябра ініцыятыўнай групы супраць будаўніцтва завода АКБ Маісея Мазько. Пры аглядзе аўтамабіля нібыта быў знойдзены падазроны пакунак. Выклікалі аператыўную следчую групу. Чакаюць таксама і адваката.Пазней стала вядома, што гэта пакуначак паляўнічых патронаў. Блогер Сяргей Пятрухін піша ў фэйсбуку, што акрамя патронаў знойдзеныя рэчы, падобныя на выбухоўку і ўзрывальнікі.
"Папрасілі адкрыць капот, пасля агляду пад капотам пачалі правяраць рамяні бяспекі і папрасілі паказаць, што ў пакеце. Майсей узяў пакет і адразу ж зразумеў, што гэта не яго рэч. Ён патэлефанаваў сваім таварышам і сказаў, што ў яго аўто падкінулі пакет," - піша блогер.
На месцы здарэння знаходзіцца праваабаронца Уладзімір Вялічкін, які спрабуе высветліць сітуацыю. Ён схіляецца да думкі, што гэта звычайная правакацыя спецслужбоўцаў.
"Правераны і вядомы метад, патроны яшчэ Мікалаю Аўтуховічу падкідвалі, каб яго пасадзіць", - кажа праваабаронца.
Відэа з месца здарэння Аляксандра Абляка - ТУТ.
Паводле інфармацыі праваабаронцы Рамана Кісляка, машына, на якой ехаў актывіст, належыць не Мазько, а кляштару, у якім ён працуе заўхозам. Пра гэта паведамляе "Брэсцкая газета".
Пазней стала вядама, што следчыя дзеянні завяршыліся каля апоўначы і Маісея Мазько даставілі ў Леніінскі РАУС Берасця. Разам з ім паехаў і адвакат.
Жыхар вёскі Тэльмы Брэсцкага раёна Майсей Мазько з'яўляецца ўдзельнікам ініцыятыўнай групы супраць будаўніцтва акумулятарнага завода пад Брэстам.
