Працягваюцца суды над удзельнікамі акцыі папярэджання

2017 2017-09-28T11:53:22+0300 2017-09-28T13:54:43+0300 be https://spring96.org/files/images/sources/zhylko-sud-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Андрэй Жылко. Фота з фэйсбуку Аліны Нагорнай.

Андрэй Жылко. Фота з фэйсбуку Аліны Нагорнай.

У судзе Партызанскага раёна Мінска 28 верасня вынесеныя пастановы аб прыцягненні да адміністратыўнай аказнасці актывістаў Вячаслава Сіўчыка і Антона Жылко.

Сябра Рады Руху «За Свабоду» Антона Жылко абвінавацілі ва ўдзеле ў несанкцыянаванай акцыі пратэсту супраць вайсковых вучэнняў «Захад-2017», якая адбылася на Кастрычніцкай плошчы ў Менску 8 верасня. Хадайніцтва аб вядзенні працэсу на беларускай мове судом было адхіленае.

Суддзя Іван Неўмяржыцкі пакараў актывіста штрафам у памеры 50 базавых велічынь (1150 рублёў).

У гэтым жа судзе на 28 верасня прызначаны суд над лідэрам руху «Разам» за Вячаславам Сіўчыкам, таксама за ўдзел у акцыі папярэджання 8 верасня. На суд палітык не з'явіўся, аднак гэта не стала перашкодай для прыцягнення яго да адказнасці: пастанова суда - штраф 45 базавых велічынь.

Апошнія навіны

Партнёрства

Сяброўства