У Баранавічах прадпрымальнікі правялі стыхійны мітынг (фота)

300 баранавіцкіх прадпрымальнікаў у 11 гадзін раніцы прыйшлі да гарвыканкама, куды 22 студзеня выклікалі чыноўнікі гарвыканкама толькі аднаго прадпрымальніка -- Міколу Чарнавуса. Да іх выйшаў начальнік эканамічнага аддзела выканкама Дзяніс Гарноўскі. Ён разгубіўся, убачыўшы вялікі натоўп, і аб’явіў, што чакаў толькі Чарнавуса, і толькі Чарнавуса запрасіў у будынак, дзе без слоў уручыў петыцыю на 5 старонках. У сваю чаргу прадпрымальнікі перадалі патрабаванне аб накіраванні чыноўнікамі на адрас прэзідэнта прапановы скасаваць указ 222 і перагледзець арэндную плату за студзень і ў далейшыя месяцы, пакуль прадпрымальнікі не будуць працаваць. Чыноўнік аб’явіў людзям, што сход адбудзецца не 26 студзеня, а 25-га аб 11 гадзіне.