«Гэта быў не пікет, а арт-інсталяцыя» — Міхаіл Каўко (відэа)

29 снежня Міхаілу Каўко патэлефанаваў супрацоўнік міліцыі, які не назваўся і тэрмінова выклікаў Міхаіла ў Цэнтральны РУУС, каб «проста паразмаўляць».

Сустрэча была прызначаная на сёння на 10:00. Міхаіла ў пастарунак суправаджаў адвакат, якога грамадзкаму актывісту прадставіў праваабарончы цэнтар «Вясна». Пасля амаль 2-гадзіннай размовы і складання пратаколу прадстаўнікі праваахоўных органаў вывелі Міхаіла праз службовы ўваход і павезлі ў суд Цэнтральнага раёну на службовай машыне.

І хаця ў пратаколе Міхаіл напісаў, што згодны з абвінавачваннем у адміністратыўным правапарушэнні і прызнае віну, пасля суду актывіст сказаў журналістам: «самаспаленьне» ля Ратушы 25 снежня насамрэч не было пікетам.