2 лістапада ў Віцебску супрацоўнікі міліцыі затрымалі 7 актывістаў КХП БНФ, якія ўсталёўвалі памятныя крыжы на месцах масавых расстрэлаў (Радыё Свабода).

2 лістапада ў Віцебску супрацоўнікі міліцыі затрымалі Уладзімера Плешчанку, Аляксандра Салаўяна, Алеся Пазьняка, Яна Дзяржаўцава, Алега Емельянава, Ігара Мацьвеева ды Тамару Мамчыц, калі яны несьлі па горадзе самаробны крыж, каб усталяваць яго ў памяць пра ахвяраў сталінскіх рэпрэсыяў, растраляных на Усьпенскай горцы.

Да гэтага часу сябры КХП БНФ пасьпелі ўсталяваць яшчэ два крыжы ў месцах масавых растрэлаў, але “клопатам” невядомых людзей ў цывільным крыжам давялося прастаяць ня больш за дзьве гадзіны: перакосіны ў крыжоў разам з памятнымі шыльдачкамі былі адламаныя, а кветкі ды сьвечкі пад імі зьнішчаныя.

Браніслава Станкевіч, Віцебск