30 кастрычніка падчас пікету на Кастрычніцкай плошчы ў Мінску затрымалі і арыштавалі на 10 сутак Аляксандра Бухвостава, старшыню Рэспубліканскага прафсаюза аўтасельгасмашынабудаваньня.

Аляксандр Бухвостаў планаваў правесьці акцыю на Кастрыніцкай плошчы ў цэнтры Мінска з мэтай прыцягненьня ўвагі грамадскасьці да парушэньня правоў працоўных і прафсаюзаў. Як толькі А. Бухвостаў разгарнуў плакаты. Да яго падбег супрацоўнік міліцыі, зачытаў артыкул пра адміністратыўнае правапарушэньне, а людзі ў цывільным схапілі Бухвостава і зацягнулі ў міліцэйскі аўтобус. Паводле паведамленьня Радыё Свабода, разам з ім быў затрыманы старшыня прафсаюза прадпрыемства “Планар” Ігар Комлік.

Праз гадзіну суд Цэнтральнага раёну г.Мінска вынес рашэньне па справе Аляксандра Бухвостава – 10 сутак адміністратыўнага арышту (ч.1 Арт.167 КаАП РБ)