Алесь Міхалевіч, які вырашыў вярнуцца ў Беларусь, затрыманы на мяжы ў Гудагаі

Пра затрыманне Алеся Міхалевіча ў 9:18 паведаміў у Фэйсбуку Аляксей Франскевіч.

Зараз Алесь Міхалевіч застаецца адзіным, з каго не знялі абвінавачванні за Плошчу–2010. Сёння ён вяртаўся на радзіму цягніком з Вільні ў Мінск, паведамляе "Новы час".

"Вяртаюся ў Беларусь. Шмат разоў казаў, што вярнуся ў Беларусь адразу, як выпусцяць асноўных палітзняволеных (думаў пра Бяляцкага і Статкевіча). Яны на свабодзе. Перасякаю мяжу Беларусі, ведаю, што мяне арыштуюць, бо застаюся апошнім абвінавачваемым па справе аб "масавых беспарадках" 2010 года, якую следчы камітэт адмаўляецца зачыняць. Мой тэлефон +420605315860 хутка перастане працаваць. Рана ці позна выйду на свабоду і запрацуе мой беларускі нумар +375296822055. Жыве Беларусь!!!" — напісаў Алесь Міхалевіч у Фэйсбуку.