Гродзенскі абласны суд не задаволіў скаргі журналістаў Алеся Дзянісава і Алеся Кіркевіча

   Гродзенскія журналісты-фрылансеры Алесь Дзянісаў і Алесь Кіркевіч атрымалі з абласнога суда адмоўныя адказы на свае скаргі. Суддзя Святлана Далгашэй не задаволіла касацыйныя скаргі сябраў “Беларускай асацыяцыі журналістаў”.

Суддзя нічога не адказала па-сутнасці юрыдычных момантаў касацыйных скаргаў і паводле ўжо звыклай практыкі ў дачыненні да журналістаў пакінула пастанову суддзі Ленінскага раёна Гродна Алены Пятровай без зменаў.

   Напомнім, што абодва журналісты-фрылансеры 22 красавіка пастановай суддзі Ленінскага раённага суда Алены Пятровай былі аштрафаваныя на 20 велічынь кожны паводле артыкулу 22.9 КаАП па абвінавачанні ў незаконным вырабе і распаўсюдзе інфармацыйнай прадукцыі.