У Лунінецкім раёне выйшаў першы нумар незалежнага бюлетэня “Сімвал часу”
Рэдактарам і заснавальнікам бюлетэня з’яўляецца жыхар вёскі Любань Лунінецкага раёна, сябра Сацыял-дэмакратычнай партыі (Грамада) Віталь Каліноўскі. Актывіст адзначае, што да гэтага часу ў раёне не было альтэрнатыўнай крыніцы інфармацыі.
Мэтай выдання з’яўляецца аб’ектыўнае адлюстраванне мясцовых падзей, а таксама падзей у краіне. Паводле Віталя Каліноўскага, асабліва ўважліва выданне будзе сачыць за парушэннем правоў грамадзян.
У першым нумары змешчана інфармацыя пра пра палітвязняў і суд над Міколам Статкевічам, забарону ўладамі Першамайскай дэманстрацыі ў Мінску і Брэсце, прааналізаваны Дэкрэт №3 Аляксандра Лукашэнка "Аб папярэджанні сацыяльнага ўтрыманства".
Пакуль выхад бюлетэня плануецца раз на месяц накладам 299 асобнікаў. Калі будуць сродкі і запатрабаванасць выдання, то будзе выходзіць два разы на месяц.
