Праваабарончая праграма “Вясна” на Беларускім Радыё Рацыя
Кожны аўторак у 22:00 (паўтор у суботу ў 8:00) у эфіры незалежнай радыёстанцыі “Беларускае Радыё Рацыя” - праграма "Вясна", якая асвятляе падзеі, датычныя правоў чалавека на Беларусі.
Анонс выпуска:
“Хроніка”: Новыя штрафы для журналістаў-фрылансераў у Гародні ды Гомелі; Баранавіцкі гарвыканкам не даў дазвол на правядзенне першамайскага пікета; Старшыня абласнога суда адмовіў Аляксандры Васілевіч у задавальненні скаргі.
"Каментар Эксперта": Тамара Сялюн - маці расстралянага Паўла Селюна, атрымала адказ з Палаты Прадстаўнікоў Нацыянальнага Сходу РБ на свой зварот па ініцыяванні змены артыкула 175 Крымінальна-выканаўчага кодэкса, згодна з якім родным не гаворыцца месца пахавання пакараных і цела для пахавання не выдаецца.Адказ Палаты Прадстаўнікоў каментуе Андрэй Палуда, каардынатар кампаніі “Праваабаронцы супраць смяротнага пакарання ў Беларусі”.
“Па-за межамі”: Чарговы факт пераследу праваабаронцаў у Азейбарджане - 22 красавіка 2015 года Бакінскі суд па цяжкіх злачынствах прысудзіў Інтыгама Аліева да сямі з паловай гадоў пазбаўлення волі па сфабрыкаваных абвінавачваннях ва “ўхіленні ад выплаты падаткаў”, “злоўжыванні ўладай”, “незаконнай прадпрымальніцкай дзейнасці” і “прысваенні”.
Госць рубрыкі “Асоба”: праваабаронца, намеснік старшыні праваабарончага цэнтра "Вясна" Валянцін Стэфановіч, які 21 красавіка быў адны з удзельнікаў паседжання камітэта Парламенцкай асамблеі Савета Еўропы па палітычных пытаннях і дэмакратыі ў Страсбургу.
У музычных паўзах - кампазіцыі гурта Akute.
