5 сутак арышту – такі прысуд суда Маскоўскага раёну г. Мінска ў адносінах да кіраўніка прадпрымальніцкай структуры “Перспектыва” Анатоля Шумчанкі.

Так судзьдзя пакараў А. Шумчанка за пікетаваньне адміністрацыі Маскоўскага раёну г. Мінска. Нагадаем, што 3 верасьня прадпрымальнікі на 2 гадзіны перакрылі ўваход у будынак адміністрацыі, патрабуючы спыніць “неабгрунтаваныя і перадузятыя праверкі прадпрымальнікаў з боку органаў, якія падпарадкоўваюцца адміністрацыі Маскоўскага раёну сталіцы і якія ставяць перад сабой мэту забараніць прадпрымальнікам гандаль у кіёсках”. Міліцыя арыштавала А. Шумчанка 1 кастрычніка ў будынку Гаспадарчага суда, адкуль ён быў накіраваны ў суд, дзе судзьдзя вынес хуткі прысуд.
Хартыя97